Skip to main content

अमेरिका खरच चंद्रावर जाऊन आली आहे का?

लेखक चिप्लुन्कर यांनी शनिवार, 29/01/2011 12:01 या दिवशी प्रकाशित केले.
अमेरिका खरच चंद्रावर जाऊन आली आहे का? मध्यंतरी या विषयावर खूप काही वाचनात आले आहे तरी यावर मिसळपाव कर मंडळीन कडून काही माहिती मिळाली तर या साठी हा काथ्याकुट .
वाचने 15290
प्रतिक्रिया 77

प्रतिक्रिया

विकास मंगळवार, 01/02/2011 00:21
प्रश्न उशीरा समजला! अमेरिका खरच चंद्रावर जाऊन आली आहे का? अमेरिका हा खंडात्मक देश असून तो पृथ्वीचा भाग आहे. त्यामुळे असा हा भाग चंद्रावर जाणे कसे शक्य आहे? ;) मात्र अमेरिकास्थित अमेरिकन्स नक्कीच चंद्रावर जाऊन आले आहेत. Neil Armstrong (हयात आहे - ८०) Michael Collins (हयात आहे - ८० ) Buzz Aldrin (हयात आहे - ८१) Charles "Pete" Conrad, Jr. (१९३०-१९९९) Richard Francis Gordon, Jr. (हयात आहे - ८१) Alan LaVern Bean (हयात आहे - ७८) Alan Bartlett Shepard, Jr (१९२३-१९९८) Stuart Allen Roosa (१९३३-१९९४) असे अजून अपोलो १८ पर्यंतचे २२ जण... अपोलो १३ धरले नाही कारण त्यांना परतावे लागले.. पण जो मुळ प्रश्न होता, "मोहीम फत्ते झाल्यावर लगोलग काही वर्षात ते अंतराळवीर आणि त्यांची टीम मधील अनेक लोक कसे अपघाती मरण पावले? ( वेगवेगळ्या कारणाने आणि जागी ) (२ सोडून )." त्याला वरील माहीतीत उत्तर मिळाले आहे असे वाटते. त्या व्यतिरीक्त नील आर्मस्ट्राँगला बघितले आहे. अगदी जवळच्या नात्यातील व्यक्तीस हस्तांदोलन करण्याचे भाग्य पण लाभले आहे.

हुप्प्या मंगळवार, 01/02/2011 00:35
मुस्लिम जगतात ही फार लोकप्रिय आहेत. नील आर्मस्ट्राँग चंद्रावर पोचला तेव्हा त्याला अझान (नमाजाची बांग) ऐकू आली. मुस्लिम नसल्यामुळे त्याला तो कसला आवाज आहे ते कळले नाही. पुढे कधीतरी कुठल्याशा मुस्लिम देशात त्याने ती ऐकली आणि इस्लामच्या दैवी शक्तीची प्रचिती आल्यामुळे तात्काळ धर्मांतर करून तो मुस्लिम बनला. अत्यंत बिनबुडाची धादांत खोटी दंतकथा. अजून एक अशीच आर्मस्ट्राँगला चंद्रावर अशी एक भेग दिसली. त्याने ती तपासली तर असे आढळले की चंद्र बरोब्बर दोन सारख्या भागात दुभंगेल अशा पद्धतीची ती भेग होती. म्हणजे कधीतरी चंद्र दुभंगला होता आणि पुन्हा जोडला गेला असावा! आणि अर्थातच कुराणात किंवा अन्य कुठे तरी अशी गोष्ट आहे की महंमदाने एक चमत्कार करून दाखवला होता. त्याने आपल्या दिव्य शक्तीने चंद्राचे दोन तुकडे केले आणि मग लोकांच्या आग्रहास्तव पुन्हा ते जोडले. जेव्हा नील आर्मस्ट्राँगने ही भेग पाहिली आणि भूतलावर येऊन जेव्हा कुराणात ही गोष्ट वाचली तेव्हा तो इ.च्या दै. श. ची प्र. येऊन तात्काळ मुसलमान बनला. खुद्द आर्मस्ट्राँगने ह्याचा इन्कार केला असूनही अनेक भोळे, भाविक मुस्लिम ह्या ष्टोर्‍या खर्‍या मानतात!

वाहीदा गुरुवार, 03/02/2011 13:01
आम्हीही असेच काही हिंदूंच्या बाबतित ऐकले होते पण ते इथे काय पण कुठेही नमुद करावे असे वाटले नाही, बाकी हुप्प्या, तुमचा मुस्लिम द्वेष कोणता ना कोणत्या प्रकारे नेहमीच उफाळून येतो अन तुम्ही हा द्वेष येन केन प्रकारेण पसरविण्याचा यथेच्छ प्रयत्न करित असता हे एक निरिक्षण... कोणी काय लिहावे अन काय नाही यावर आम्ही भाष्य करणार नाही पण एक निरिक्षण नोंदविले.. देव तुम्हास सुबुद्धी देवो !!

नरेशकुमार गुरुवार, 03/02/2011 14:04
हे माते, मी तुला शरण आलेलो आहे. ते अमरिकावाले चंद्रावर गेले का नाय, त्याच्याशी मला कायबी देनं घेनं नाय. उगा तु माझ्यावर प्रकोप करु नगंस. ओम शांती शांती शांती.