कोकणचा सुपुत्र हरवला..

मला मालवणी/कोंकणी समजत नसून टीव्हीवर मच्छिंद्र कांबळी यांचा कार्यक्रम मात्र आवडीने बघायचो. तसे लवकरच गेले म्हणून जास्त वाईट वाटते आहे.
इथे भरपूर दु:ख असताना देखील परमेश्वर लोकांना रमवणार्‍या मंडळींना का बरे लवकर नेतो? देवालापणा दु:ख आहेत वाटते.

परमेश्वर त्यांच्या आत्म्याला शांती देवो.

मालवणी नाटकाचो बादशाहो गेलो...! या बातमीने जरा धक्काच बसला !
मालवणी रंगभुमी आणि भाषा म्हटले की, मच्छिंद्र कांबळीच आठवतात !

कोकणच्या पुत्राला आमची विनम्र आदरांजली !

आत्ता ही बातमी वाचली आणि धक्का बसला... माझ्याकडूनही विनम्र आदरांजली.

मालवणी भाषा ही अतिशय गोड भाषा आहे आणि तिचा लहेजाही तितकाच चित्तवेधक आहे. मला ही भाषा तितकीशी कळत नसली तरी तिची ओळख मात्र "वस्त्रहरण" पासूनच झाली आणि ऐकायला खूप आवडते.. मच्छींद्र कांबळींना माझीही आदरांजली.

नंदनला एक विनंती की त्याने मालवणी भाषेत ह्या "तात्या सरपंचाला(मच्छींद्र कांबळींना)" एक छानसा लेख लिहून श्रद्धांजली वाहावी.

मालवण नागपुरापर्यंत नेणारा गुणी कलाकार! एकसष्ट म्हणजे किती लहान वय हे. प्रथमावताराच्या प्रत्येक घासाबरोबर मच्छिंद्र आमच्या आठवणीत राहातील.

मोठा धक्का बसला!
त्यांच्या जीवनकार्यावर येथे जाणकारांकडून एक सविस्तर लेख येईल ही अपेक्षा.
आपला
गुंडोपंत

मच्छिंद्र कांबळींना माझी आदरांजली. परमेश्वर त्यांच्या आत्म्यास शांती देवो.

https://loksatta.com/daily/20071007/lr04.htm इथे वाचा.