Skip to main content

"पर्यावरण" संर्दभात झकास पंच लाईन पाहिजे आहे...

लेखक श्रीराजे यांनी मंगळवार, 13/07/2010 19:40 या दिवशी प्रकाशित केले.

मिपाकरहो,

सध्या कंपनी मध्ये Go Green Go Green चे वातावरण आहे. त्यासाठी कंपनी एक गट तयार केला आहे. आणि आता सर्वांना t-Shirt वर "पर्यावरण" संर्दभात झकास पंच लाईन पाहिजे आहे. यासाठी मिपाकर मला मदत नक्कीच करतील.

- वाक्य शक्यतो मराठीतच पाहिजे आहे.

--श्रीराजे

वाचने 13809
प्रतिक्रिया 45

प्रतिक्रिया

राजेश घासकडवी मंगळवार, 13/07/2010 20:26

'हिरवा साज' कसं वाटतं? :)

जोक्स असाईड,

हिरवा साज, हिरवा बाज
भूमाईची राखू लाज

आणि चित्र - गोलामध्ये एक पान.

सहज बुधवार, 14/07/2010 09:02

कमीत कमी पोल्युशन
हेच उत्तम सोल्युशन

झाडे लावा आणि झाडे जगवा
पुढच्या पिढीला द्या स्वच्छ हवा

अजुन काही सुचल्यास लिहीन :-)

स्पंदना बुधवार, 14/07/2010 09:05

निसर्गात आपल्या पाऊलखुणांशिवाय काहिही ठेऊ नका आणि त्यांच्या सुखद आठवणींशिवाय काहिही नेऊ नका

हे कस वाटत? की टी शर्ट वर मावायच नाहि?
योगेश २४ यांच्या लेखतल आहे.

पाहिजे तर थोडी काटछाट करा. मला फार आवडल हे वाक्य.

शब्दांना नसते दुखः; शब्दांना सुखही नसते,
ते वाहतात जे ओझे; ते तुमचे माझे असते

अडगळ बुधवार, 14/07/2010 09:44

प्रायोगिक :
आणि झाडे नग्न झाली
ऐतिहासिकः
इथे गवताला भाले फुटतात
रोम्यांटिक :
झाडे लावा , झाडे जगवा , झाडे वाढवा , आडोसे मिळवा
सामाजिकः
मेधाने लावली झाडे चार
झाडाला पाणी देई सरदार
नरेंद्र त्यांचा राखणदार
हिरवे झेंडे नर्मदेपार
लोककला:

सोसंना गं ऊन बाई श्रावणाचं,
काळिज म्हणायचं का रावणाचं,
सावलीत घ्या पाखरू,
अन राया चला वृक्षारोपण करु.

प्रचेतस बुधवार, 14/07/2010 09:47

स्वप्न उद्याचे..
हरीत निसर्गाचे.....

करू संवर्धन पर्यावरणाचे...
घडवू राष्ट्र समृद्धिचे, सुखाचे....

स्वछंदी-पाखरु बुधवार, 14/07/2010 10:11

एक मूल,.....झाडे चार.........

आज का डोळ्यात माझ्या, पाणी पुन्हा दाटले होते...
कासाविस या व्याकुळ आत्म्यात, आभाळ भरून साठले होते...

पण... पंख पिंजर्‍यातच अडकलेले होते..........

शिल्पा ब बुधवार, 14/07/2010 12:21

त्यांनी एवढं लिहिलंय मराठीत चालेल म्हणून तर द्या कि मराठी वाक्य...

झाडे लावा उष्णता कमी करा.

***********************************************************
https://shilpasview.blogspot.com/

नावातकायआहे बुधवार, 14/07/2010 14:21

झाडे वाचवा आणि स्वःताला वाचवा

टि शर्ट वरः

झाडे
आणि वाचवा
स्वता:ला

वाचवा ह्या शब्दाचा फाँट साईज झाडे,आणि व स्वता:ला ह्या तिन्ही ओळिंपेक्षा मोठा

धमाल मुलगा बुधवार, 14/07/2010 20:20

पंचलाईनसाठी तुकोबा महाराजांना शरण जा :)

पंचलाईन खाली ब्लॉककोट्समध्ये दिली आहे :

वृक्षवल्ली
आम्हा
सोयरी...

(हो, हल्ली असं सपष्ट लिवावं लागतंय राव! काय इथं मिपाला हुप्पकर्मी छिद्रान्वेषक वाळव्या लागत चालल्यात.... मुद्द्याची बाब अशी शेफ ठेवावी लागतिया.)

:)

पक्या बुधवार, 14/07/2010 21:10

वर मोठ्या अक्षरात वाचवाल तर वाचाल
खाली - झाडे
बाजूला मोठ्या झाडाचे आणि त्याला टेकून आरामशीर झोपलेल्या माणसाचे चित्र

जय महाराष्ट्र , जय मराठी !

विकि बुधवार, 14/07/2010 21:46

पंचलाईन-ऑक्सीजन. किंवा जगण्यासाठी आवश्यक प्राणवायू(टी शर्ट च्या बाजूला दोन तीन हिरवी झाडे दाखवा)

सहज गुरुवार, 15/07/2010 07:00

एक जुनी फिल्म डिव्हीजनने बनवलेली कार्टुन फिल्म आठवली. एक मनुष्य झाडाखाली बसला असतो, दुसरा मनुष्य ते झाड तोडायला येतो. मग त्यांची झटापट होते, तेवढ्यात इतर लोक येतात. मधेच एक फळ त्या झाड तोडायला आलेल्या माणसाच्या डोक्यात पडते....

असो इतके वर्णन करायचा उद्देश, कोणाला ती फिल्म आठवत असेल व जालावर उपलब्ध असेल तर दुवा द्या व दुवा घ्या :-)

विकास गुरुवार, 15/07/2010 23:15

मी खूप शोधायचा प्रयत्न केला पण मिळाली नाही. :(

त्यात जेंव्हा एक "नतद्रष्ट" झाड तोडायला निघतो तेंव्हा त्यातील दुसरा साधा माणूस, त्यांच्या मारामारीत जबरा ओरडताना घेतला आहे. मग त्यांच्या डोक्यावर फळ पडते आणि डोळे उघडतात. मग सगळ्यांचा नाच देखील बघण्यासारखा आहे. :)

मला पण दुवा मिळाला तर आवडेल.

--------------------------------
मी या आणि इतर संकेतस्थळावर केवळ "विकास" याच नावाने वावरतो. त्याच्या मागेपुढे उभ्या (||) आडव्या (=), तिरप्या (\\ //) आदी कुठल्याच प्रकाराच्या रेषा नसतात. त्या अर्थाने माझी कुठेही शाखा नाही. :-)

श्रीराजे गुरुवार, 15/07/2010 08:51

खरचं चित्र खुप छान आहे..
t-Shirt च्या पाठीमागच्या बाजुस टाकण्यात काही हरकत नाही.

शिल्पा ब गुरुवार, 15/07/2010 09:51

हो पण आधी त्या ब्लॉग वाल्याची परवानगी घ्या म्हणजे नंतर भानगड नको..
***********************************************************
https://shilpasview.blogspot.com/

बेभान सोमवार, 26/07/2010 15:25

१. हम दो हमारे दो : या वाक्या आधी/ नंतर/पुढे /वरती /खाली एक जोडी (पुरुष आणि स्त्री) दोन आपापल्या (त्यांनी लावलेल्या) झाडाखाली एकमेकांचे हातात हात धरून बसले आहेत.
२. वरील संकल्पना वापरून "आमचा आधारवड" हे लिहून त्या खाली एक वृद्ध जोडपे बसले आहे. पंचलाईन कोणाला सुचली तर सांगा.
३. झाडे लावा कारण: आणि मग कारण एक, दोन, तीन,.... एक झाड त्याच्या आयुष्यात किती प्रदुषण कमी करते ते ही लिहा.
४. जर तुम्हाला तुमचे सगळे ऐकुन घेणारा, तुमच्याशी कोणत्याही गोष्टीवर वाद न घालणारा, तुम्हाला उन्हात सावली देणारा, मित्र हवा असेल तर: झाडे लावा.
५. मी माझा प्रत्येक वाढदिवस रोपे देवुन साजरा करतो. जरी करत नसाल तरी टी-शर्टद्वारे लोकांना ही idea देण्यात काहीच गैर नाही.
६. मी माझ्या बायकोवर आणि झाडांवर सारखेच प्रेम करतो.
७. झाडे लावा. झाडे जगवा. आनंद मिळवा.
८. तुमच्या मुलाच्या निरोगी/सुस्थ/आरोग्यदायी/निरामय भविष्यासाठी: झाडे लावा.
९. ते I love NY, LA, SD, त्याच फॉरमॅट मध्ये I love Trees.

आठवतील/जमतील तसे टाकतो.