मिसळपाव आणि अमेरिकन कायदा ...

मिसळपावला भेट देणार्या माननीय सभसदांना एक प्रश्नं आहे. अमेरिकेतील कायदे-कानू मिसळ्पाव वरील साहित्याला लागू होतात का? तसे असेल तर जगाच्या दुसर्या टोकाला राहणार्या एखाद्या सभासदाने काही आक्षेपार्ह लिहिल्यास त्यांस अमेरिकन कायद्याद्वारे अमेरिकेच्या खामगाव खुर्द च्या कोर्टात खेचता येते का? हे शक्य असेल तर त्याचाच दुसरा अर्थ असा काढता येइल कि अमेरिकेचा कायदा सर्व जगात लागू होतो. मग इतर देशांचे सार्वभौमत्व कसे काय अबाधित राहणार? हे जर शक्य असेल तर आमच्या ठकाची वाडी, पोष्ट चोरे बुद्रुक, तालिका आटपाट, जिल्हा टिनपाट येथील 'प्रथम वर्ग न्यायालय' हे सुद्धा मिसळपाव वरील आक्षेपार्ह सभासदावर कारवाइ करू शकतील काय? थोडा प्रकाश पडला तर बरं होईल ... अवांतर - काही वर्षांपूर्वी "महाराष्ट्र सरकारच्या शब्दकोषांत वकील ह्या शब्दाला (व्यावसायिकाला नाही) असणारे समानार्थी शब्द म्हणून 'झगडपिल्लू' आणि '*डू' हे दाखविले होते आणि अनेक वकीलांनी ह्या दोन शब्दांना आक्षेप घेतल्यावर ते काढून टाकण्यात आले" अशा प्रकारची बातमी एका मराठी व्रुत्तपत्रांत वाचल्याचे आठवतंय. बातमीच्या सत्यतेबद्दल मी स्वतःच साशंक आहे. ता.क. : ह्या अवांतर मधील टंकनाचा मिसळपाव वरील कोणाशीही काहीही संबंध नाही (या धाग्याचाही नाही), आहे असे वाटल्यांस तो निव्वळ योगायोग समजावा. संपादकांना हे लेखन आक्षेपार्ह वाटल्यास, उडवून टाकावे ही नम्र विनंती.