टाईम्स ऑफ इंडीयातील या बातमी प्रमाणे मुंबई उच्च न्यायालयाने धर्मावर टिका करण्यात काहीच गैर नाही मात्र याचा अर्थ द्वेष पसरवायला परवानगी आहे असा नाही अशा अर्थाचा निर्णय दिला आहे. आर. व्हि. भसीन नामक एका वकीलाने लिहीलेल्या इस्लामवरील पुस्तकात चुकीची विधाने केल्याबद्दल महाराष्ट्र सरकारने त्यावर (तीन-चार वर्षांनी) बंदी घातली. त्याविरुद्धच्या सुनावणीच्या वेळेस हे सांगितले गेले. कोर्टाने त्या पुस्तकावरील बंदी कायम ठेवली कारण त्यात अभ्यास न करता आणि संदर्भ न देता इस्लाम आणि मुस्लीम जनतेच्या विरोधात विधाने होती मात्र जर कोणी संदर्भासहीत अभ्यासू टिका एखाद्या धर्मावर केली तर त्यात गैर काहीच नाही असे कोर्टाचे म्हणणे आहे. यातील एक वाक्य, जर कोर्टाचे असेल तर कोर्टाचे नाहीतर टाईम्सचे फारच विनोदी वाटले: A person may have a right to say a particular religion is "not secular", said the HC, but it cautioned against rabid contents "reeking of hatred for a particular community" and "malafide exercise to stir communal passions". असे वाटायचे कारण असे की यातून कोर्टाचे असे (अप्रत्यक्ष) म्हणणे होते की, काही रिलिजन्स हे "सेक्यूलर" असू शकतात! हा निर्णय म्हणले तर चांगला आहे पण त्याचा वापर कोण आणि कसा करेल यावर बरेच काही घडू अथवा बिघडू शकते असे वाटते.