होम लोन... मार्गदर्शन हवयं...

ICICI सोडून कोणतेही घ्या. एक नं चोर आहेत ते. खूप छुप्या अटी आहेत त्यांच्या. स्वानुभवावरून सांगतो.

उपयु़क्त धागा !!! चुचु

Union bank.. सध्या त्यांचे दर फार कमी आहेत.. - कोकणी फणस

एस बी आय ही सध्याची सगळ्यात बेस्ट डील देत आहे. सगळ्यात महत्वाच प्रोसेसिंग फी शुन्य रुपये आहे. त्यांचे व्याजदर २० लाखापर्यंत पहिल्या वर्षी ८% दुसर्‍या आणि तिसर्‍या वर्षी ८.५ % त्यानंतर फिक्स किंवा फ्लोटिंग ऑप्शन राहिल. फक्त एकच आहे. त्याना बरेच डॉक्युमेंट्स लागतात. लोन अप्रूव्ह होउन यायला २ महिन्यापर्यंत वेळ लागु शकतो. सध्या पहिल्या वर्षीच्या होम लोन मध्ये एक टक्का व्याज दराची सबसिडी सुरु झाली असेल. अशा सबसिडीसाठी लोन घेताना नक्की विचारा. (२० लाखापर्यंतच) त्याखालोखाल एल आय सी हाउसिंग फायनान्स लिमिटेड डील देइल. किंवा एखादी नॅशनलाइज्ड बॅन्क. त्याच्यानंतर एचडीएफसीचा नंबर ठेवा.

१. 'मी'शी १०१% सहमत! ICICIच्या फेर्‍यात मुळीच अडकु नये. ताबडतोब कर्ज देणे वगैरे गोष्टी जरी खर्‍या असल्या तरी फार त्रासदायक काम आहे ते. आधुनिक सावकारच म्हणा ना. जरी तुम्हाला इकडुन कर्ज दुसर्‍य बँकेत बदली करुन घ्यायचे असेल तरी बक्कळ शुल्क घेतात. छुप्या अटीतर फारच आहेत. २. झकासरावाच्या म्हणण्यात तथ्य आहे. पण स्टेट बँकेच्या नियमानुसार मालमत्तेच्या(घराच्या) किंमतीच्या जास्तीत जास्त ६५% गृहकर्ज मिळते. ती तयारी असेल आणि थोडाफार वेळ लागलेला चालत असेल तर नक्कीच स्टेट बँक सर्वात चांगला पर्याय आहे. (माझ्या एका मित्राला कर्ज मंजुरी होऊन चेक मिळायला वेळ लागत असल्याने बिल्डरकडुन प्रचंड मनस्ताप सहन करावा लागला.) ::आलेले २ अनुभव पाहता आणी तिथल्या मॅनेजरच्या सांगण्यानुसार सध्या स्टेट बँकेत (पुण्यात) गृहकर्जाचे काम प्रचंड आहे...विलंब लागणार हे नक्की! ३. एल.आय.सी. हाऊसिंग फायनान्सही उत्तम उपाय आहे. ४. पंजाब नॅशनल बँक, बँक ऑफ बडोदा ह्यांचे अनुभव बरेच चांगले आहेत (गेल्या २ महिन्याखाली २ मित्रांसोबत ह्या बँकांत जायचो त्यावरुन सांगतो.) ह्यानंतर, मुळात तुम्हाला स्थिर(फिक्स्ड)व्याजदर हवा की तरता(फ्लोटिंग) ह्यावरही निरनिराळ्या बँकामध्ये थोडाफार फरक आहे.. थोडक्यात आणि महत्वाचे: बरीचशी वस्तुस्थिती 'केस-टू-केस' असल्याने स्वतः फिरुनच(कागदपत्रांसहीत) योग्य ती माहिती मिळेल. सर्वसाधारण तुलनेसाठी पॉलिसीबझार.कॉम इथे 'Loans' विभागाला भेट देऊन बघ.

HDFC चा मला आलेला अनुभव (आत्तापर्यंत तरी )चांगला आहे. अमोल -------------------------------------------------- भविष्याच्या अंतरंगात डोकावण्यासाठी इथे टिचकी मारा

आय डी बी आय ही प्रायव्हेट बँकांत बरी आहे. लोन कूठूनही घेतले तरी ते ईंशुअर केल्यास चिंता राहात नाही असा माझा अनूभव आहे. खर्च होतो पण आपले १५-२० वर्ष मूदतीचे लोन असल्यास बरीच मोठी रिस्क कव्हर होते. मोहन

मी मागच्याच महिन्यात नागपूर मधे युनियन बँकेचं लोन घेतलं. व्याजाचा दर ८.५% पहिल्या तिन वर्षांकरता, आणि त्यानंतर फ्लोटींग दर. बँकेतल्या ज्या व्यक्तीने काम केलं तो अतिशय चांगला निघाला. सगळे डॉक्युमेंट जवळ असल्याने अपेक्षेपेक्षा खूपच कमी म्हणजे तिन दिवसात काम झालं. वेल, ज्या बिल्डरकडून घर घेतलं त्यांचेही बँकेतल्या वरिष्ठ व्यवस्थापकाशी चांगले संबंध होते (किंवा ठेवले होते म्हणा) त्यामुळेही कदाचित लगेच काम झाले असेल. माझ्या मते नॅशनल बँकेतून कर्ज घेतलेलं केव्हाही चांगलं. तेव्हा, वेळ लागला तरी प्रायवेटच्या भानगडीत न पडलेलंच बरं. -अनामिक

वैयक्तिक कागदपत्रे: सहा ते बारा महिन्यांचे पगारपत्रक, तीन वर्षांचा आय टी रीटर्न भरल्याची पावती. पण जागेची कागदपत्रे मात्र पुर्ण लागतात. त्याचा कंटाळा करु नका तुम्हालाही जागेच्या संबधी पुर्ण माहीती मिळून जाईल. टर्म इन्शुरन्स करायला विसरु नका. विद्याधर

आमाला कुनी कर्ज देईना. पोलिस आन वकिलान्ला कुनी कर्ज देत नाई. त्यान्ला म्ह्नल अरे बाबा आमी चोर पकडनारे पोलिस नाई आमी सिग्नल पकडतो. तरी बी कोनी देईना मंग जीआयसी ने दिलं ते बी एजंटने चापलुसी केली म्हनुन. फ्लोटिंग घेतल्यानी सुरवातीला ७.२५ ने असणारे कर्ज ११.५ पर्यंत आल. नीस्ते हफ्ते वाडतायेत. मंग तीन वर्षात व्हीआरयस घेउन सम्दे आलेले पैशे देउन यकदाच धा लाखाच कर्ज फेडुन आता कर्जमुक्त आन मोकळा श्वास घेतला ब्वॉ प्रकाश घाटपांडे आमच्या अनुदिनीत जरुर डोकवा.

माझे आजवरचे सर्व होमलोन्स वडलांच्या सल्ल्यानुसार एचडीएफसीतून घेतलेले आहेत. पटकन काम हातावेगळे करणे, कस्टमरची सोय पहाणे, पारदर्शी व्यवहार आणि ऑनलाईन अ‍ॅक्सेस याबद्दलच्या उत्तम अनुभवामुळे मलाही हा पर्याय खूपच आवडला आहे. कर्ज घेताना व्याजदर जास्त होते आणि आता ते खूपच कमी झाले आहेत.. या प्रवासातही एचडीएफसीचा अनुभव उत्तम आहे मला.

माझा आयसीआयसीआयचा अनुभव चांगला आहे. घराच्या किंमतीच्या ८७.५% कर्ज साधारण ४ वर्षांपूर्वी मिळाले होते. मुख्य म्हणजे एका दिवसात काम झाले. बारीक प्रिन्ट वाचायची सवय असल्याने मागाहून फसगत झाल्याची कोणतीही भावना मनात आली नाही. एचडीएफसीविषयीही चांगले ऐकून आहे. नवीन घरासाठी शुभेच्छा!

एस बी आय ही बेस्ट डील देते आहे. प्रोसेसिंग फी - शुन्य रुपये. मार्च २०१० पर्यन्त त्यांचे व्याजदर २० लाखापर्यंत पहिल्या वर्षी ८% दुसर्‍या आणि तिसर्‍या वर्षी ८.५ % त्यानंतर फिक्स किंवा फ्लोटिंग ऑप्शन राहिल. [हा व्याजदर तेव्हाच्या आर बी आय होम लोन व्याजदराच्या अंदजे २.७५ % कमी राहील] + काही ग्रुप डिस्काउन्ट पण आहे [३ वर्षानंतर ] ८५% पर्यन्त लोन मिळते लोन प्रोसेस सुरु करण्यासाठी त्याना "घराचे अ‍ॅग्रीमेंट" लागते त्याना बरेच डॉक्युमेंट्स लागतात, पण जर बिल्डिंग एस बी आय अ‍ॅप्रूव्ह्ड असेल तर कमी लागतील तुमच्या कडून -गेल्या ३ महीन्याच्या पे स्लिप्स - गेल्या ६ महीन्याच्या अकौंट डीटेल्स - गेल्या २ वर्षाचे आय टी रिर्टन्स - एम्पप्लोयमेंट लेटर - अ‍ॅड्रेस प्रूफ - पॅन कार्ड - घराचे अ‍ॅग्रीमेंट बिल्डर कडून - बिल्डिंग एस बी आय अ‍ॅप्रूव्ह्ड असेल तर ए पी एफ नंबर - डिमांड लेटर - बिल्डींग ची "blue " प्रींट - "NOC " लेटर इत्यादी ... लोन अप्रूव्ह होउन यायला १ महिन्यापर्यंत वेळ लागु शकतो.

समदे सज्जन लोकहो, म्या आस ऐकलय की तुमी जे काही कर्ज घ्येवून र्‍यायलेना त्ये त्येवढ्या काळामधी दुप्पट व्हतं ते? म्हंजी आस की समजा तुमी (म्हंजी एखाद्यानी ओ) ५ लाख रुपये कर्ज घ्येतलं हां २० वर्शांसाठी. तर २० वर्शांपत्तूर व्याजासहीत त्याच्यावाले १० लाखाच्या आसपास कर्जफ्येड व्हवून जाती त्ये. म्हंजी त्यांच्यावाल व्याज बी लई तगड आसतया न्हाय का? का हा आसलाच हिशोब र्‍हातूयां? काय कळंना पगा. आन मी तर पडलो दगडफोड्या मानूस. ईचार करूं करूं टक्कूरं फुटायची येळ आली पगा. काय समजल आसं बोला की राव. -------------------- आजकाल मी वृत्तपत्रातील, टिव्हीवरील ( व जालावरील धाग्यातही) पाकिस्थान चा उल्लेख असणार्‍या बातम्या/ लेख वाचत नाही. पासानभेद बिहारी (महारास्ट्र, कर्नाटक, गुजरात, आंधरप्रदेस, ब्रिटन, कैनडा, नोर्वे, रसीया, होलंड, जरमनी, अमरीका, आफ्रिका मै सिकीरूटी की आवश्यकता है | रहेना, खाना, पीना मुफ्त रखेगा | साल में दो बार युनिफोर्म | अन्य नौकरीयां भी उपलब्ध | नौकरी पाने के लिए हमे कान्टेक करें |) (गुडगूडी टाईम्स -छोटा विज्ञापन बडा काम )

अजुन एक, गृहकर्ज हे निदान भारतात तरी लाएबिलिटी (मराठी ?) समजले जात नाही. बाजारातून इतक्या कमी व्याजदरात इतर कुठूनही पैसे मिळत नाही. त्यामुळे जवळ पैसा असला तरी मिळेल तेव्हडे कर्ज उचलणे आणि स्वतःजवळील पैश्याची गुंतवणूक करून जास्त परतावा (निदान गृहकर्जाच्या व्याजदरापेक्षा जास्त) मिळवणे अशा रितीने प्रयत्न केले जातात. बाकी राष्ट्रीयकृत बँक आणि टर्म इंशुरन्स बाबत सहमत..

आताच लेखाच्या लेखकाचे नाव वाचले. विमुक्त नेहमी भटकत असतो. मी तर त्याला भटक्या म्हणतो. घर घेवू नये असे नाही पण त्याची भटकंती पाहून विमुक्तालाही घराची गरज वाटू लागली तर. लवकरच तो बंदिस्थ होईल असे वाटते. (एकाचा दोन होईल.) त्याला त्यासाठी शुभेच्छा! आन म्या वर विचारल्याल शेंन्क्येच समाधान कोनी क्येलं नाय त्ये? -------------------- आजकाल मी वृत्तपत्रातील, टिव्हीवरील ( व जालावरील धाग्यातही) पाकिस्थान चा उल्लेख असणार्‍या बातम्या/ लेख वाचत नाही. पासानभेद बिहारी (महारास्ट्र, कर्नाटक, गुजरात, आंधरप्रदेस, ब्रिटन, कैनडा, नोर्वे, रसीया, होलंड, जरमनी, अमरीका, आफ्रिका मै सिकीरूटी की आवश्यकता है | रहेना, खाना, पीना मुफ्त रखेगा | साल में दो बार युनिफोर्म | अन्य नौकरीयां भी उपलब्ध | नौकरी पाने के लिए हमे कान्टेक करें |) (गुडगूडी टाईम्स -छोटा विज्ञापन बडा काम )

शारूक भाय, हां म्हन्जे कर्जफेड दुप्पट झाली तरी ते कमीतकमी आहे असे म्हणायचे आहे का तुम्हाला? म्हणजे सुरूवातीला १० , ११ % कर्ज घ्या म्हणायचे व ईएमाय वसूलीत ते दुप्पट करायचे ही दुट्टपी वागणूक का?? तुम्ही धाग्यात प्रबोधन केले तर इतरांनाही सोईचे होईल. -------------------- आजकाल मी वृत्तपत्रातील, टिव्हीवरील ( व जालावरील धाग्यातही) पाकिस्थान चा उल्लेख असणार्‍या बातम्या/ लेख वाचत नाही. पासानभेद बिहारी (महारास्ट्र, कर्नाटक, गुजरात, आंधरप्रदेस, ब्रिटन, कैनडा, नोर्वे, रसीया, होलंड, जरमनी, अमरीका, आफ्रिका मै सिकीरूटी की आवश्यकता है | रहेना, खाना, पीना मुफ्त रखेगा | साल में दो बार युनिफोर्म | अन्य नौकरीयां भी उपलब्ध | नौकरी पाने के लिए हमे कान्टेक करें |) (गुडगूडी टाईम्स -छोटा विज्ञापन बडा काम )

http://www.apnaloan.com/home-loan-india/rates.html इथे पहा. जवळजवळ १०० पर्याय कळतील.