Skip to main content

फसवणूकी पासून सावधान

लेखक स्वाती२ यांनी मंगळवार, 17/11/2009 03:41 या दिवशी प्रकाशित केले.
जस जशी अमेरिकेतील अर्थव्यवस्था बिकट झाली तसे फसवणूकीचे प्रकारही वाढायला लागले. त्यात सणासुदीचा/खरेदीचा हंगाम म्हणजे अधिकच भर पडते. सध्या आमच्या भागात दोन प्रकारचे फसवणूकीचे प्रकार सुरु आहेत. पोलिसांनी या बाबत अ‍ॅलर्ट दिलेय. अमेरिकेच्या इतर भागातही असे घडू शकते म्हणून मिपाकरांना सावधानीचा इशारा. १. फोन वरील व्यक्ती तुम्हाला $५०० चे वालमार्टचे गिफ्ट कार्ड नविन मार्केटिंग स्किम म्हणून पाठवत असल्याचे सांगते. नाव, पत्ता पडताळून पाहाते. नंतर ३-४ डॉलर रक्कम हँडलिंग फी म्हणुन पडेल असे सांगून क्रेडिट कार्डच्या नंबराची मागणी होते. आमच्या गावात ४-५ केसेस झाल्या. असे काही तुमच्या बाबतीत झाल्यास लगेच स्थानिक पोलिस स्टेशनला कळवा. २. फोन वरील व्यक्ती कोर्ट सिस्टिम मधील आहे असे भासवते. ज्युरी ड्युटी साठी रिस्पॉन्स दिला नाही तेव्हा तुमच्या नावाने अ‍ॅरेस्ट वॉरंट निघतेय असे सांगते. जन्म तारीख आणि सोशल सिक्युरिटी नंबर द्या. रेकॉर्ड बघून वॉरंट रद्द करता येइल का ते बघू असे सांगितले जाते. अशा वेळी फोन कट करा आणि स्थानिक कोर्टात फोन करून चौकशी करा.
वाचने 4575
प्रतिक्रिया 21

प्रतिक्रिया

सुधीर काळे मंगळवार, 17/11/2009 07:55
धन्यवाद, स्वातीताई! मी माझ्या मुलांना पाठवतोय! सुधीर ------------------------ सीना हो ज़ख्म ज़ख्म तो ढलते हैं कैसे गीत? फुर्सत अगर मिले तो कभी बाँसुरीसे पूछ!

विंजिनेर मंगळवार, 17/11/2009 07:58
ह्मम्म... फोनवरून फसवण्यात काय मज्जा नाय बघा.. आपल्या पुण्या मुंबैत बांगड्यांना पॉलिश करून देतो म्हणून डोळ्यादेखत सोन्याच्या लंपास करून पितळ्याच्या आपल्या पदरात टाकणारे खरे चोर ;) (कशाचाही 'जाज्वल्य अभिमान' असणारा)विंजिनेर

पर्नल नेने मराठे मंगळवार, 17/11/2009 09:59
8| होहो माझ्या मैत्रिणीच्या आजिला असेच फसवले होते. चुचु

स्वाती२ मंगळवार, 17/11/2009 19:21
ते चोर फक्त सोनच नेतात तेही तुमच्याकडे असले तर. पण हे चोर तुमच्या नावाने कर्ज करून ठेवतात.

धमाल मुलगा मंगळवार, 17/11/2009 19:34
>>पण हे चोर तुमच्या नावाने कर्ज करून ठेवतात ऑबॉबॉबॉबॉबॉ................ अवघड आहे बॉ. आधुनिक ठकसेनच म्हणायचे की हो हे!

उमराणी सरकार बुधवार, 18/11/2009 10:25
मॅडम, असे कसे कर्ज करून ठेवतात? बँकींग डबघाईला आले का तिथे? का कोणी कर्ज घेत नाही म्हणून के.वाय.सी न करताच कर्ज देणे सुरू झाले आहे? उमराणी सरकार
न करा चिंता असाल सुखे| सकळ अरिष्टे गेली दु:खे

उमराणी सरकार गुरुवार, 19/11/2009 08:37
अहो पण कसे वापरणार? कार्ड तर प्रत्यक्ष तुमच्या ताब्यात. त्याचा सी.व्ही.व्ही फक्त तुम्हालाच माहीती. जर असे काही होत असेल तर त्याला त्या व्यक्तीचा निश्काळजीपणाच कारणीभूत आहे. उगाच त्या ठकसेनाच्या नावाने बोंबाबोंब करण्यात अर्थ नाही. उमराणी सरकार
न करा चिंता असाल सुखे| सकळ अरिष्टे गेली दु:खे

रेवती मंगळवार, 17/11/2009 20:26
अश्या बातम्या वर्तमानपत्रात रोज असतात, त्या वाचल्या जातात. त्यावर "काय तरी बाई वाईट लोक! वाईट दिवस आले रे देवा!" असंही म्हटलं जातं तरीही दारावर हे लोक आले की पुन्हा याच बायका आपल्या बांगड्या घेऊन जाणार पॉलिश करायला. पुन्हा एक बातमी......... पुण्यातल्या आमच्या समोरच्या फ्लॅटमधील ८ महिन्याच्या गरोदर बाईला ती घराला कुलुप लावत असताना लुबाडले. तिचे मंगळसुत्र ओढताना नको तो घोळ झाला आणि जिन्यावरून गडगडत खाली आली ती! रेवती

रेवती मंगळवार, 17/11/2009 20:29
माहिती देऊन सावध केल्याबद्दल स्वातीताईचे आभार! आमच्या टाऊनमध्येही भुरट्या चोर्‍या वाढल्याची बातमी होती काही महिन्यांपूर्वी! रेवती

संदीप चित्रे मंगळवार, 17/11/2009 21:14
माहितीबद्दल धन्स स्वातीताई

एक मंगळवार, 17/11/2009 23:21
लोक अजूनही आहेत हे वाचून मजा वाटली. तरीबरं "देअर ईज नो सच थिंग अ‍ॅज फ्री लंच" अशी म्हण हीच लोकं वापरतात. दुसरा प्रकार जास्त सिरियस आहे. तो माझ्या बाबतीत झाला आहे. पण मी नागरीक नसल्यामुळे "उखाड जो उखाडना है!" असं इंग्लिश मधे म्हणून कटवला :)

अमोल केळकर बुधवार, 18/11/2009 10:07
बाप रे अमेरिकेत पण ? -------------------------------------------------- भविष्याच्या अंतरंगात डोकावण्यासाठी इथे टिचकी मारा

विंजिनेर बुधवार, 18/11/2009 13:06
मग आता सभ्य समाज उरला तरी कोणत्या देशात?
हा हा हा.. लय भारी... अमेरिकेत सभ्य माणसे राहतात होय? मला वाटलं तिथे फक्त हिरव्या नोटांचा माज असलेले, कृतघ्न असे अनिवासी टीमकीवादक राहतात... =))

अवलिया बुधवार, 18/11/2009 13:10
मला वाटलं तिथे फक्त हिरव्या नोटांचा माज असलेले, कृतघ्न असे अनिवासी टीमकीवादक राहतात... त्यांनाच विचारवंत सभ्य म्हणतात ;) --अवलिया ====== आमचे कडे कशाचाही कशाला बादरायण संबंध लावुन विनोदी लिहुन मिळेल. चिल्लर मधे बसेस फोडुन मिळतील. अधिक माहिती व्यनीमधुन.

निमीत्त मात्र गुरुवार, 19/11/2009 08:47
प्रतिसाद संपादित. वैयक्तिक संवादाकरता कृपया खरडवही/व्य निचा वापर करावा.. तात्या.

निमीत्त मात्र गुरुवार, 19/11/2009 09:07
कालच्या की परवाच्या यूएस न्यूजच्या पहिल्या पानावर बातमी होती. असे प्रकार वाढत आहेत, सावध रहावे. स्टिम्युलस प्याकेजमधून सरकार पैसे देत आहे अमूक अमूक माहिती द्या असले फोनही येत आहेत तेव्हा जागरुक राहावे.

विसोबा खेचर गुरुवार, 19/11/2009 10:52
काही प्रतिसाद उडवले आहेत. कुणावरही वैयक्तिक चिखलफेक नको अशी निमित्तमात्रना सूचनावजा विनंती.. तात्या.

संदीप शल्हाळकर गुरुवार, 19/11/2009 13:25
परवा पुण्यात रात्री - अपरात्री एटीएम सेंटर मधुन एटीएम मशिनच चोरिला गेली... घ्या आता.... काय बोलता ....