पाण्यात शिजवलेले अंडे

याची रेशिपी कोन देनार्??आँ??

मापी द्या येक डाव प्राजु तै! ही घ्या रेशिपी: (२ माणसांकरिता) साहित्यः १. अंडी - ४ २. कोंबू - १५x१५सें चा एक तुकडा ३. अँचोव्हीची (छोटी सुकी मांदेली) - पावडर - ही भारता बाहेर सहजी मिळते १ टिस्पु. / वाळविलेली मासोळी असेल तर ४ मासोळ्या. ४.पातीचा कांदा - २ पाती (कांदे नकोत) बारिक चिरून ५. वितभर गाजर - बारिक तु़कडे करून. ६. मिठ - चवी प्रमाणे. अँचोव्ही पावडर किंवा सुकी असेल तर ती खारटच असते त्यामुळे वरून मिठ जपून घालावे. ७. कुकर मधे बसतील असे छोटे बोल/भांडी - २ कृती: १. कोंबू छोट्या वाडगाभर पाण्यात १०-१५ मि. भिजत घालावा. २. अंडी एका भांड्यात फोडून व्यवस्थित फेटून घ्यावी. मिठ घालावे ३. कोंबूचे पाणी अंड्यात मिसळावे (कोंबूची पाने टाकुन द्यायची.) ४. गाजर, कांद्याची पातीचे तुकडे, अँचोव्हीची पूड वरिल मिश्रणात घालावे. ५. छोट्या भांड्यांत ८०% पर्यंतच मिश्रण भरावे (नंतर हे फुगुन वर येते त्यामुळे पूर्ण भरले तर ओतू जाईल) आणि प्रेशर कुकर मधे शिट्टी काढून १०-१२ मि. मोट्या आचेवर वाफवावे (इडल्या जशा करतो तसेच) ६. आवडी प्रमाणे मिरपूड घालून शिजविलेले भांडेच जेवताना ताटाशी ठेवावे. टिपः (अ) हा पदार्थ नुसता किंवा गरम भाताबरोबर पण छान लागतो. (ब) कोंबू भारतात मिळणे कठिण आहे त्यामुळे वगळल्यास चालेल पण वापरल्याने चव सुधारते, मिश्रण छान दाटसर होते. बाकी क्वेल पक्षी असा दिसतो: आणि त्याची अंडी अशी: ही सुपर मार्केट मधे हमखास मिळतील. चमचाभर सोया सॉस घातलेल्या पाण्यात उकडली तर चव अजून खुलून येते. छायाचित्रे: आंतर जालावरून साभार