वाटली डाळ

साहित्य- २ वाट्या हरबरा डाळ, ४,५ हिरव्या मिरच्या, १ मध्यम कांदा, १ मध्यम टोमॅटो,चवीनुसार मीठ,१ चहाचा चमचा साखर, तेल, फोडणीचे साहित्य, ओले खोबरे, कोथिंबिर, लिंबू कृती- डाळ ५/६ तास भिजत घालावी ,नंतर उपसून चाळणीवर घालून स्वच्छ धुवून घ्यावी व भरड वाटावी, वाटतानाच त्यात मिरच्या घालाव्यात. कांदा व टोमॅटो चौकोनी चिरावेत. साधारण पळीभर तेलात फोडणी करावी त्यात कांदा व टोमॅटो घालून एक/दोन वाफा आणाव्या,(पोह्यांकरता कांदा घालतो तसे.) नंतर त्यात भरड वाटलेली डाळ घालावी व नीट मिक्स करुन झाकावे व एक वाफ येऊ द्यावी. नंतर त्यात मीठ व साखर घालून ढवळावे व परत झाकण ठेवून चांगली वाफ आणावी. नंतर त्यात थोडे ओले खोबरे आणि कोथिंबिर घालावी व अजून एक वाफ आणावी. सर्व्ह करताना थोडा लिंबाचा रस घालावा आणि खोबरे, कोथिंबिरीने सजवावे.