रगडा पॅटिस (फोटु सहीत)

हा पदार्थ ह्या आधी मि.पा.वर दिला आहे,पण माझी पध्द्त थोडी वेगळी असल्याने मी पण देत आहे. पॅटिसः साहित्यः बटाटे ३-४ हळद,तिखट्,मिठ, चविनुसार ब्रेड स्लाईज २ तेल पॅटिस भाजण्यासाठी कृती: बटाटे उकडुन मॅश करुन घ्यावेत. त्यात हळद,तिखट्,मिठ आणि पाण्यात भिजवुन काढलेले ब्रेड स्लाईज घालुन मस्त एकजिव करावे हव्या त्या आकाराचे पॅटिस बनवुन तेलावर भाजुन घ्यावेत. रगडा साहित्यः पांढरे वाटाणे २ वाटी (रात्रभर किंवा ६-७ तास भिजवुन ठेवावेत.) तिखट, छोले मसाला, मिठ ,चविनुसार मोहरी आणि हिंग थोडस. कांदा १(बारिक चिरलेला) टोमॅटो १ बारिक चिरुन तेल अंदाजे कृती: भिजवलेले वाटाणे कुकर ला शिजवुन घ्यावेत. एका भांड्यात तेल तापत ठेउन त्यात मोहरी, हिंग, हळद आणि कांदा घालुन खुप परतावे. नंतर टोमॅटो घालुन त्यावर आवडीप्रमाणे तिखट,छोले मसाला घालावा. मग शिजवलेले वाटाणे घालावेत. शेवटी मिठ घालुन मस्त उकळावे. इतर साहित्यः चटणी,बारिक चिरलेला कांदा,कोथिंबीर आणि शेव चटणी: साहित्यः भिजवलेलीचिंच आणि खजुर, गुळ,मिठ्,तिखट्,थोडासा पुदिना कृती: वरिल सर्व साहीत्य एकत्र मिक्सर मधुन काढावे. एका बाऊल मध्ये पॅटिस मग रगडा त्यावर चटणी ,कांदा,कोथिंबीर्,शेव घालुन तयार करावे. नंतर गरमागरम रगडा पॅटिस वर ताव मारावा. ;)