Skip to main content

चिंचेची कढी

लेखक जागु यांनी बुधवार, 18/02/2009 12:05 या दिवशी प्रकाशित केले.
साहित्य : बुंदिच्या लाडवा एवढी चिंच कांदा, लसुण, मिरची, कोथिंबिर बारिक चिरुन फोडणिसाठी हिंग, हळद, जिर चविपुरते मिठ आणि गुळ कृती : चिंचेमध्ये १ ते १/२ किंवा गरजे एवढे पाणी टाकुन खुळुन घ्यावी. तेल गरम करुन त्यात हिंग, हळद आणि जिर्‍याची फोडणी द्यावी. आता फोडणिवर चिंचेचे पाणी टाकावे व वरुन चिरलेले कांदा, लसुण, मिरची, कोथिंबीर टाकावी नंतर चविपुरते मिठ व गुळ घलावे. फक्त वाफ येइपर्यंत गरम करावे. उकळी यायच्या आधी गॅस बंद करावा. झाली तुमची चिंचेची कढी तयार. सुचना : ह्या कढित जर आंबटपणा कमी आला असेल तर थोडे लिंब पिळावे. ही कढी नॉनव्हेज बरोबर पण छान लागते.
वाचने 5268
प्रतिक्रिया 10

प्रतिक्रिया

समिधा बुधवार, 18/02/2009 12:25
नविन प्रकार वाटला करुन बघेन. :)

अभिष्टा बुधवार, 18/02/2009 12:57
१ ते १/२ काय? कप का? आणि कांदा, लसूण, मिरची फोडणीत नाही का टाकायची? करुन बघितली पाहिजे :-) --------------------------------- जे जे मजसाठी उचित, तेचि तू देशील खचित हे मात्र मी नक्की जाणित, नाही तकरार राघवा

जागु बुधवार, 18/02/2009 13:49
१ ते १/२ काय? चिंचेच पाणी आणि लसुण, कांदा, मिरची फोडणीत नाही टाकायची त्याचि कच्चीच चव ह्या कढीत चांगली लागते आणि वासही छान येतो.

अभिष्टा बुधवार, 18/02/2009 13:50
बरं बरं :-) --------------------------------- आपण भगवंताला व त्याच्या सत्तेला सर्व व्यापताना पाहूही शकत नाही व ओळखूही शकत नाही. पण त्याचे 'नाम' उच्चारु शकतो व प्रेमाने जपू शकतो आणि 'त्याचे नाम' हेच त्याच्या सत्तेचे स्थूल स्वरुप आहे.

नाटक्या बुधवार, 18/02/2009 14:44
बोलाची कढी (आणि बोलाचा भात) माहीत होते, चिंचेची कढी हे प्रकरण जरा वेगळे वाटते आहे. - नाटक्या

अभिष्टा बुधवार, 18/02/2009 14:49
ती चिंचेच्या भाताबरोबर घ्यायची. यु नो ! टॅमरिंड करी विथ टॅमरिंड राईस. होक्कीनै गं जागू ;) --------------------------------- आपण भगवंताला व त्याच्या सत्तेला सर्व व्यापताना पाहूही शकत नाही व ओळखूही शकत नाही. पण त्याचे 'नाम' उच्चारु शकतो व प्रेमाने जपू शकतो आणि 'त्याचे नाम' हेच त्याच्या सत्तेचे स्थूल स्वरुप आहे.

केदार_जपान शुक्रवार, 20/02/2009 13:36
हा खूपच लवकर होणारा, सोपा प्रकार वाटत आहे... ;).आणि चमचमित सुद्धा. आजच करतो!! --------------- केदार जोशी

विसोबा खेचर रविवार, 22/02/2009 16:52
आम्ही बिगरफोटूच्या पाकृ वाचत नाही... तात्या.

लवंगी रविवार, 22/02/2009 18:02
आम्ही पण हि कढी बनवतो.. थोड्या वेगळ्या प्रकारे. मी गुळाएवजी साखर घालते छोटा चमचा.. फोडणीला काळिमिरी ठेचून घालतो.

मृगनयनी मंगळवार, 24/02/2009 09:47
जागु, मस्त आहे गं.. ही चिन्चेची कढी! :) तुझ्याकडुन अजुन पा. कृ. साठी उत्सुक, - मृगनयनी. :) युद्ध माझा राम करणार | समर्थ दत्तगुरु मूळ आधार | मी वानरसैनिक साचार |रावण मरणार निश्चित || || इति अनिरुद्ध महावाक्यम् ||