Skip to main content

हिरव्या मिरचीचा सोलापूरी ठेचा

लेखक सालोमालो यांनी मंगळवार, 10/02/2009 15:21 या दिवशी प्रकाशित केले.
४-५ हिरव्या मिरच्या, अर्धा छोटा चमचा साखर, चिमुट्भर मीठ, १ चमचा दाण्याचं कूट कृती: मिरच्या gas वर भाजून घ्या. अगदी कोळसा नका करू. पण व्यवस्थीत भाजून घ्या. मिरचीचं देठ काढुन टाका. वाटी किंवा बत्त्यानी मिरच्या साधारण ठेचुन घ्या. त्यात साखर, मीठ आणि दाण्याचं कूट घालून हातानी एकजीव करा. ठेचा तयार. खाउन बघा आणि मला सांगा. अप्रतिम लागतो हे निश्चित. सालो
वाचने 8803
प्रतिक्रिया 9

प्रतिक्रिया

प्राजु मंगळवार, 10/02/2009 21:00
हा ठेचा जबरीच लागतो.... मी यात लसूण सुद्धा घालते मिरच्या तव्यात भाजतानाच. भाकरीसोबतचा फोटो टाकला असता ठेच्याचा तर..... छे! विचारू नका. - (सर्वव्यापी)प्राजु http://praaju.blogspot.com/

सुक्या मंगळवार, 10/02/2009 22:31
जबरा टेस्ट असते. बाजरीची भाकरी, ठेचा अन् हातनं फोडलेला कांदा. आहाहा . . फाइव स्टार हाटेलातलं जेवण सुध्दा मचुळ लागत ह्याच्यापुढे. शिळा ठेचा तर अजुनच भारी. (गावरान) सुक्या (बोंबील) मु. पो. डोंबलेवाडी ( आमच्या गावात पोस्ट हापीस नाय. लिवायचं म्हुन लिवलं.)

शेणगोळा मंगळवार, 10/02/2009 23:00
...आणि मूळव्याध झाली तर या पाककृतीसोबत 'कैलास जीवन' विनामूल्य मिळणार का? :) सर्वांचाच लाडका, (कुल्याला मोड आलेला) शेणगोळा.

नाटक्या बुधवार, 11/02/2009 00:23
मुगाला किंवा मटकीला मोड आलेते तर तात्या त्याची झणझणीत मिसळ बनवतात. तुमच्या मोडाचे काय करतील सांगणे कठीण आहे, कारण तो मोड मुळातच झणझणत असेल >:)

विसोबा खेचर बुधवार, 18/02/2009 07:53
आम्ही बिगरफोटूच्या पाकृंना प्रतिसाद देत नाही.. तात्या.

विशाल कुलकर्णी शनिवार, 21/02/2009 12:38
साखर आणि दाण्यांचं कुट न घालता केला तर अजुन झणझणीत होतो. सोलापुरकडे त्याला खरडा असेही म्हणतात. तव्यावर मिरच्या भाजुन तिथेच वाटीने खरडायचा. लाल गळायला लागणार याची शाश्वती. सस्नेह विशाल ************************************************************* इतक्या वर्षानंतर तिला पाहिली तेव्हा कशी भासली सांगु.... कल्पनेतला "ताजमहाल" हिणकस ठरला !!! :-) :-)