नाचणीचे झटपट डोसे

साहित्यः १ वाटी नाचणीचे पीठ १/२ वाटी तांदळाची पिठी १ हिरवी मिरची बारीक चिरून ५-६ कढीपत्ता बारीक चिरून बारीक चिरलेली कोथींबीर मीठ चवीनुसार पाकृ: नाचणीचे पीठ, तांदळाची पिठी, चिरलेली मिरची, चिरलेली कोथींबीर, चिरलेला कढीपत्ता व मीठ एकत्र करावे. त्यात थोडे-थोडे करून पाणी घालून घावने / नीर डोश्याप्रामाणे पातळ मिश्रण बनवावे. (ताकात भिजवले तरी चालेल) नॉन-स्टीक तवा गरम करायला ठेवावा व डावाने मिश्रण तव्यावर ओतावे. (घावनाप्रमाणे मिश्रण ओतावे, नेहमीच्या डोश्याप्रमाणे वाटीने पसरवायचे नाही.) थोडे तेल सोडून हलकेच काढावे. गरम-गरम डोसे नारळाच्या, लसणीच्या चटणीबरोबर किंवा लोणच्याबरोबर सर्व्ह करावे.