पापलेट करी

साहित्यः पापलेट - २ सुक्या लाल मिरच्या - ७-८ ओले खोबरे - १/२ वाटी धणे - १ चमचा मेथी दाणे - १/२ चमचा आले - १ इंच तुकडा लसुण पाकळ्या - २-३ हिरवे वाटण - १ चमचा (आले, लसुण, हिरवी मिरची व कोथिंबीर) मोहरी - १/२ चमचा कडिपत्ता - ३-४ पाने अमसुल - २ लाल तिखट - २ चमचे हळद - १ चमचा हिंग - १ चमचा लिंबु - १/२ मिठ चवीनुसार कृती: १. पापलेट स्वच्छ करुन त्याचे तुकडे करुन घ्यावेत. त्याला हिरवे वाटण, १/२ लिंबुचा रस, १/२ चमचा हिंग, १/२ चमचा हळद व थोडे मिठ लावुन ठेवावे. २. एका वाटीत थोडे गरम पाणी घेउन, त्यात सुक्या लाल मिरच्या, धणे व मेथी दाणे १/२ तास भिजवुन ठेवावेत. ३. मिक्सर मधे, गरम पाण्यात भिजवलेल्या लाल मिरच्या, धणे, मेथी दाणे, आले, लसुण व ओले खोबरे ह्याची smooth paste करुन घ्यावी. ४. कढईत तेल गरम करावे. त्यात १/२ चमचा मोहरी, १/२ चमचा हिंग व कडिपत्ता टाकावा. ५. हे थोडे परतल्यावर त्यात वरील पेस्ट, लाल तिखट, १/२ चमचा हळद टाकावी व ४-५ मिनिटे निट परतुन घ्यावे. ६. थोड्या वेळानी त्याचे तेल सुटायला लागेल. तेव्हा त्यात १-२ वाटी पाणी ओतावे. ७. करीला उकळी आल्यावर त्यात marinate केलेले पापलेटचे तुकडे व अमसुल टाकावे. हे सर्व अगदी अलगद हाताने मिक्स करावे. ८. करीवर झाकण ठेवुन ५ मिनिटे शिजु द्यावे. पापलेट शिजल्यावर वरतुन कोथिंबीरने सजवावे व गॅस बंद करावा. ९. पापलेट करी तयार आहे. तांदुळाची भाकरी किंवा गरम भातासोबत serve करावे. * तुमच्या आवडीप्रमाणे करीमधील पाणी कमी-जास्त करु शकता.