कोबीची कोशिंबिर

साहित्य- १ लहान,कोवळा कोबीचा गड्डा,१ लहान सिमला मिरची,१ हिरवी मिरची,अर्धी वाटी डाळिंबाचे दाणे,१ मोठा चमचा दाण्याचे कूट,१ मोठा चमचा तेल,फोडणीचे साहित्य,मीठ,साखर,कोथिंबिर कृती- कोबी किसून घ्या. कोबीचा लहान गड्डा न मिळाल्यास मोठ्या कोबीचा साधारण ३ वाट्या कीस घ्या. सिमला मिरची किसून घ्या.तीही साधारण वाटीवर असू द्या. कोबी,सिमला मिरचीचा कीस एकत्र करा, मिरची बारीक चिरुन घाला. दाण्याचे कूट घाला. फोडणी करुन ती त्यावर ओता. मीठ, साखर, कोथिंबिर आणि डाळिंबाचे दाणे घाला व कालवा.