आज सकाळीच सभासद झाले. पहिलाच प्रयत्न आहे समजून घ्यावे ही विनंती. विचार केला मिपाच्या लेखनाचा शुभारंभ मिसळ पावाच्या पाककृतीने करुया. -------------------------------------------------------- साहित्य- मटकी + वाटाणा - ३ वाटी कांदे - २ लसुण आले पेस्ट - १/२ टे स्पून १ टोमेटो पेस्ट गरम मसाला - १ टे स्पून लाल तिखट - १ टे स्पून हळद - अर्धा टी स्पून तेल - फोडणीसाठी मीठ - चवीनुसार कोथिंबीर सजावटीसाठी: फरसाण बारीक चिरलेले २ कांदे कोथिंबीर लिंबू कृती: तेलावर जिरे मोहरी घालून फोडणी करावी. त्यावर चौकोनी चिरलेले दोन मोठे कांदे घालून चांगले तांबुस होईपर्यंत परतावे. थोडे मीठ, हळद, लाल तिखट व गरम मसाला घालावा. १-२ मिनीटे चांगले परतावे. त्यावर मटकी + वाटाणा घालून चांगले परतावे. त्यावर टोमेटो पेस्ट घालून खमंग वास सुटेपर्यंत चांगले परतावे. ५ वाटी पाणी घालून झाकून शिजवावे. मटकी व वाटाणा शिजल्यानंतर बारीक चिरलेली कोथिंबीर घालून गॅस बंद करा. सर्व्ह करतांना मिसळवर फरसाण, कांदा व कोथिंबीर घालून पावाबरोबर वाढावे. सोबत लिंबाची फोडही द्यावी.