दाल फ्रायः साहित्यः पाव कप मुग डाळ पाऊण कप पाणी १ चिमूट हळद वरील एकत्र करून मऊ शिजवून घोटणे. ३ टे.स्पून तेल १ च.जिरे २-३ सुक्या मिरच्या १/२ च.आलं पेस्ट १ च.लसूण पेस्ट १/४ कप बारीक चिरलेला कांदा १/४ कप बारीक चिरलेला टोमॅटो १/२ टे.स्पून कसुरीमेथी १ चिमूट हळद २ टे.स्पून कोथिंबीर १/८ च.अनारदाणा मसाला(पावडर) १ च.बटर मीठ १.३ टे.स्पून तेलावर, जिरे परतणे. त्यात सुक्या मिरच्या,आलंपेस्ट्,लसूणपेस्ट, कांदा घालून परतणे.नंतर टोमॅटो घालून चांगले परतणे.कसूरी मेथी व हळद घालून वरील घोटलेली डाळ घालणे व पाणी घालणे.कोथिंबीर, अनारदाणा मसाला, बटर व चवीनुसार मीठ घालून उकळणे. २.कढईत ३ परत ३ टे.स्पून तेल, पाव च.जिरे,१ सुकी मिरची,१/२ च.मिरची बी परतणे. दालफ्रायवर कसुरीमेथी,१ चिमूट तिखट घालणे व वरील फोडणी घालणे.गरम जिरा राईस बरोबर सर्व्ह करणे. टीपः कृती १ नंतर व फोडणी द्यायच्या अगोदर स्मोक देतात....(कोळसा तापवून) पण ते काही दर वेळी शक्य होत नाही. पण त्यामुळे त्याची चव खमंग लागते. जिरा राईसः साहित्यः १ वाटी दिल्ली राईस ७ वाट्या पाणी १ टे.स्पून तेल मीठ फोडणी साठी: दिड टे.स्पून तेल, २ च.जिरे, २ हिरव्या मिरच्या, १/२ च. लसूण पेस्ट(ऐच्छीक), १/४च.अजिनोमोटो जाड बुडाच्या पातेल्यात ७ वाटी पाणी, १/२ टे.स्पून तेल घालून उकळी आल्यावर १ वाटी तांदुळ घालणे, गॅस मोठा ठेवणे. झाकाण न ठेवता उकळणे. शिजल्यावर चाळणीत घालून नळाखाली धरून गार करणे. २ तास निथळणे. २ तासाने वरील फोडणी करून त्यात भात परतणे. कोथिंबीर घालणे व सर्व्ह करणे.