आज सकाळीच मंडईत गेले होते तो तिथे ह्या महाराणीचे आगमन झालेले दिसले, ह्या हंगामातील पहिली कैरी.........पाहूनच तोंडाला पाणी सुटले. मग काय घेतली पटकन....हो संपायला नको....आणी घरी आल्या आल्य़ा चालू झाले लगेच काम. प्रथम कैरी स्वच्छ धुवुन - पुसुन घेतली. त्याच्यावरील साले काढून टाकली, त्याच्या अगदी बारीक फ़ोडी केल्या.एक वाटी फ़ोडी असतिल तर एक वाटी चिरलेला गुळ, मिरची पावडर- मिठ चविनुसार, घालून सगळे एकत्र करुन ठेवले. आणी त्याला मोहरी, हिंग, हळद घालून खमंग फ़ोडणी दिली व पुन्हा एकत्र केले.. हे घ्या तय्यार....कैरीचे फुटे-- हे लोणचे चार- पाच दिवस टिकते....(उरले तर)