स्टफ़्ड मोदक करी

साहित्य :- तांदुळ पिठी,जाड भरडलेले ओले मटार १ मोठी वाटी आणि १ लहान वाटी स्वीट कॉर्न, तेलावर लालसर भाजलेला कांदा १ वाटी,बारीक चिरलेला कांदां १ वाटी , खोवलेले खोबरे २ मोठ्या वाट्या , ४ लवंगा,४ मिरे, दालचिनीचा १ छोटा तुकडा, ८/१० काजु, लसुण पाकळ्या ६/७, आले १ इंच, भाजलेले तीळ अर्धी वाटी, बारीक चिरलेली कोथिंबीर १ वाटी, मीठ चवीप्रमाणे, तिखट २ चमचे, आले लसुण मिरची पेस्ट १ चमचा, १ वाटी चिरलेला टोमॅटो, तेल आणि फ़ोडणीचे साहित्य.

From Recipee

कृती :- प्रथम तेलावर कच्चा कांदा परतुन त्यात आले लसुण मिरचीची पेस्ट घालुन चांगले परतुन घ्यावे. त्यावर मटार आणि स्वीटकॉर्न घालुन वाफ़वुन घेउन त्यात चवीनुसार मीठ घालावे खाली उतरवुन थोडे खोबरे मिक्स करावे. हे सारण तयार झाले. आता आपण तांदुळाच्या पिठाची उकड काढुन घ्यावी. ते पीठ चांगले मळुन त्यात वरील सारण भरुन मोदक तयार करावेत. ते वाफ़वुन घ्यावेत.

From Recipee

तीळ, काजु,लवंग,मिरे,दालचिनी,लसुण,आले,भाजलेला कांदा, टोमॅटो, खोबरे हे सर्व मिक्सरमधुन बारीक वाटुन त्याची पेस्ट तयार करावी. आता जाड बुडाच्या कढईत तेलावर ही पेस्ट चांगली परतुन घ्यावी. त्यात तिखट मीठ चवीप्रमाणे घालावे आणि आपल्याला जसे हवे त्याप्रमाणे घट्ट/पातळ ठेवावे. हे चांगले उकळले की त्यात मोदक घालुन परत एकदा चांगली उकळी आणावी आणि एका डीशमधे घेउन त्यावर खोबरे कोथिंबीर घालुन सर्व्ह करावे.

From Recipee