सरमिसळ

रविवारचा दिवस . शाळेला सुट्टी . दिन्या आणी पक्या "इविल डेड" बघत बसले होते . काहि वेळाने जग्याही टपकला . पिक्चर संपल्यावर त्याने पिन मारली . "कसले पोराटोरांचे सिनेमे बघताय . खरे स्काउट असाल , तर 'गन्स ऑफ नॅवरॉन' बघा ." ते ऐकुन पेटलेला दिन्या गल्लीतल्या लायब्ररीमधुन ती कॅसेट घेउन आला . थोड्या वेळाने रम्या आला . फिल्म संपल्यावर तो पचकला . " हि वॉरफिल्म भारी आहे . पण शेवटी शोले तो शोले . " चेकाळलेला पक्या तडक "शोले" घेउन आला . रात्री दिन्याला आठवले "आपला होमवर्क राहुन गेला . उद्या मास्तर बडवणार . " हॉलमधे आई , बाबा "व्हायरस , जागतीक संकट" असे काहितरी बोलत होते . तेवढ्यात रम्याचा फोन आला . त्याने महत्वाची बातमी दिली . "घरगुती समारंभामुळे मास्तर आठवडाभर रजेवर आहेत ."