विनोद

बेसनलाडवाचा प्रतिसाद येथे अपेक्षितच होता! :) हो आणि आम्ही कमरेचे डोक्याला बांधून नंगानाच करतो. म्हणजे 'कपडे घालणे' ही फन्डामेन्टल गोष्ट गेली चुलीत! बरोबर आहे. वर तुम्ही 'आम्ही' असा शब्द वापरलाय. म्हणजे त्यात तुम्हीही आलात का? की तुमच्या व्यतिरिक्त इतर मिसळपाव सभासदांबद्दल तुम्ही बोलत आहात? एक अवांतर प्रश्न - कमरेचे सोडून डोक्याला बांधून नंगानाच करणे ही गोष्ट आपल्या मते वाईट आहे काय? आणि तसे असेल तर इथे येता कशाला? अर्थात, हा आपला फक्त आमचा प्रश्न हो! ज्याला मराठीत लिहायची/वाचायची आवड आहे असा कुठलाही मनुष्य इथे अगदी अवश्य येऊ शकतो हे निश्चित! तात्या.

तत्पर प्रतिसादाबद्दल अभिनंदन आणि अनेक आभार (आभारी)बेसनलाडू तक्रार - 'फुकटेगिरी' या शीर्षकाखाली धोंडोपंतांकडून लिहिल्या गेलेल्या किश्शांवर तात्यांचा (विसोबा खेचर या आय डी ने दिलेला) 'शेजारच्या वाड्यातील सून बाळंत...खरवस...चीक मागण्यासाठी जाणे...' इ. असलेला प्रतिसाद सार्वजनिकदृष्ट्या निखालस किळसवाणा, निर्लज्ज, तसेच आणि आक्षेपार्ह आहे. तो लवकरात लवकर काढून टाकण्याची मी समितीला जाहीर नम्र विनंती करतो. (तक्रारखोर)बेसनलाडू मागण्या / सूचना - १. आजानुकर्णाच्या खालील प्रतिसादावर सखोल विचार करावा. त्यातील काही ठराविक सदस्यांच्या प्रतिसादांच्या बाबतीत कारवाई होताना पक्षपातीपणा होऊ नये, हा कर्णाचा मुद्दा मला पूर्ण मान्य आहे. आणि असा पक्षपातीपणा येथे होतो, असे माझे निरीक्षण/ठाम मत आहे. असा पक्षपातीपणा लोकशाहीप्रिय(!!) मिसळपावला शोभत नाही, असे वाटते. बाळासाहेब चौगुल्यांच्या काढल्या गेलेल्या एका प्रतिसादात असा स्पष्ट आरोप होता, त्याबद्दलच समितीचे मत काय, हे स्पष्ट करावे. २. आजानुकर्णाने म्हटल्याप्रमाणे किळसवाणे, अश्लील काय आहे/काय नाही, हे व्यक्तिनिरपेक्ष असेल (मी व्यक्तिशः या मताशी पूर्ण सहमत नाही), तर त्या स्वरूपात नक्की कोणत्या प्रकारचे लेखन बसते, हे समितीने स्पष्ट करावे. त्यासंबंधीची मार्गदर्शिका उपलब्ध करून द्यावी. पुनश्च धन्यवाद. (सूचक)बेसनलाडू

फुकटेगिरी या लेखाला आलेला एक प्रतिसाद अश्लील असल्याचे बेसनलाडू यांनी जाहीररीत्या कळवले होते व सूचित केले होते. हे पहा http://www.misalpav.com/node/402#comment-5472 मात्र त्या प्रतिसादावर काहीही कार्यवाही न करता बाळासाहेबांच्याच प्रतिसादावर कार्यवाही व्हावी हा दुटप्पीपणा आहे असे कोणा सदस्याला वाटले तर त्याचे पंचायत समिती काय उत्तर देईल याची एक पंचायत समिती सदस्य या नात्याने आम्हाला काळजी वाटते. ऑल आर ईक्वल बट फ्यू आर मोअर इक्वल असे वाटत नाही का? (समतोल) आजानुकर्ण

नाव बदलणे आणि नावे ठेवणे यातला फरक सदैव नावे ठेवणार्‍यांना कळेल, अशी तसूभरही अपेक्षा नाही. (निरपेक्ष)बेसनलाडू

पंचायत समिती निवडून आलेली असली तरी दैनंदिन कामामध्ये लोकांचा सक्रिय सहभाग आवश्यक आहे त्यालाच लोकशाही म्हणता येईल. पंचायत समिती एकदा निवडून आली की त्यांनी कसेही वागावे हे अपेक्षित नसून पंचायत समितीच्या कामकाजावर लोकांचा अंकुश असणे अपेक्षित आहे ही माझ्या मते लोकशाही आहे. --- कर्णाशी पुन्हा एकदा सहमत आहे. (सहमत)बेसनलाडू

पंचायत समिती निवडून आलेली असली तरी दैनंदिन कामामध्ये लोकांचा सक्रिय सहभाग आवश्यक आहे त्यालाच लोकशाही म्हणता येईल. असहमत आहे! इथे कुठले लेखन ठेवायचे आणि कुठले ठेवायचे नाही हे ठरवण्याचा पूर्ण अधिकार पंचायतीकडे आहे असे निवडणूकपूर्व वेळोवेळी जाहीर केले आहे. त्यानंतर पंचायतीच्या निवडणुका झाल्या आहेत, त्यामुळे आता मिपाचे दैनंदिन कामकाज लोकांनी पाहावे असे नाही. कदाचित सर्व लोकांना तेवढा वेळही नसेल/नसतो. असं असताना मिपाच्या दैनंदिन कामकाजाची जबाबदारी पंचायतीवरच आहे. त्यात पुन्हा लोकांची ढवळाढवळ उपयोगाची नाही असे मला वाटते! ही लोकशाही आहे, त्यामुळे सध्याच्या पंचायतीचे कामकाज जर लोकांना पसंद नसेल तर मात्र लोक तसा अविश्वास ठराव अवश्य अगदी अवश्य आणू शकतात. त्यानंतर मिसळपाव निवडणूक आयुक्त लोकांच्या बहुमताने आलेल्या अविश्वास ठरावावर योग्य ती कार्यवाही करतीलच! पंचायत समिती एकदा निवडून आली की त्यांनी कसेही वागावे हे अपेक्षित नसून पंचायत समितीच्या कामकाजावर लोकांचा अंकुश असणे अपेक्षित आहे ही माझ्या मते लोकशाही आहे. मग आणावा की लोकांनी तसा अविश्वास ठराव! पाडावी सध्याची पंचायत समिती आणि त्यांच्या पसंतीची दुसरी पंचायत समिती पुन्हा एकदा बहुमताने निवडून द्यावी! तात्या सरपंच.

मी कुठेच म्हटलेले नाही असेही म्हटलेले नव्हते/नाही काय सगळेच नाही नाही कधी तरी जबाबदारी स्विकारा हो म्हणा नाहि नाही नाही नाना