Skip to main content

मध्यरात्री

लेखक अनन्त्_यात्री यांनी शनिवार, 01/04/2017 17:09 या दिवशी प्रकाशित केले.
मध्यरात्री गजबजावे नभ वितळत्या चा॑दण्याने भरुनी जावा ओ॑जळीचा चषक त्या फेनिल प्रभेने मध्यरात्री सळसळावे बेट पिवळे केतकीचे भरुनी जावे आसम॑ती ग॑ध थरथरत्या तृणांचे मध्यरात्री कुजबुजावा मेघ बिलगुनी पर्वता त्या ध्वनीने विरत जावी दाट गहिरी शा॑तता
काव्यरस
मुक्त कविता
लेखनविषय:
वाचने 5399
प्रतिक्रिया 16

प्रतिक्रिया

पद्मावति रविवार, 02/04/2017 11:51
सुरेख! वितळते चांदणे, त्याची फेनील प्रभा, ओन्जळीचा चषक ..आहाहा!!! केवळ आणि केवळ अफलातून!

अनन्त्_यात्री सोमवार, 10/04/2017 14:40
सौरा, पद्मावती धन्यवाद.

अनन्त्_यात्री सोमवार, 17/04/2017 14:15
मध्यरात्री गुणगुणावा एक अर्धा फोल मिसरा अन् पहाटे शेर व्हावा,स ह ज-सुंदर खोल-गहिरा!

सत्यजित... सोमवार, 17/04/2017 14:50
बदल तसा सहजच आहे,काहीच हरकत नाही! आयुष्याच्या कवितेला पूर्णता देणाऱ्या अंतिम सत्याशी मी तो शेर जोडू पाहत होतो!

प्रीत-मोहर शुक्रवार, 21/04/2017 19:43
वाह!!