(पडुन आहे नोट अजुनी)

स — स्वामी संकेतानंद,
पडुन आहे नोट अजुनी, राजसा थकलास का रे? एवढ्यातच रांग सोडुन, तू असा बसलास का रे? अजुनही सरल्या न गड्ड्या, त्या हजारापाचशेंच्या अजुन बँका सरल्या कुठे रे, हाय तू हरलास का रे? सांग, नोटा शोधणाऱ्या पंटरांना काय सांगू? उगवले एजंट सारे, आणि तू निजलास का रे? बघ तुला दिसतील नंतर मॉरिशसच्या चोरवाटा गोरगरिबांच्या अकाउंटांस वापरलास का रे? उसळती खोक्यांत साऱ्या पाचशेच्या बंद नोटा आयटीच्या रेडला तू आज घाबरलास का रे? - स्वामी संकेतानंद
9183 वाचन
💬 प्रतिसाद (42)

चांदणे संदीप
Mon, 11/14/2016 - 14:23 नवीन
लोल विडंबन! आवडले! Sandy

पैसा
Mon, 11/14/2016 - 14:29 नवीन
असंवेदनाशील बुर्झ्वा कवी कुठला! तुमचे दिल्लीश्वर मुख्यमंत्री बघ लोकांच्या दु:खाने कसे कळवळत आहेत ते! नाहीतर तू!! =))

नाखु
Mon, 11/14/2016 - 14:44 नवीन
स्वाम्याला दिल्लीत तिकिट देणार नाहीत "आप"ला समजून. बाकी विडंबन, मस्तच स्वगतः(बुवा कसे नाही आले अजून धाग्यावर)
↩ प्रतिसाद: पैसा

पैसा
Mon, 11/14/2016 - 19:21 नवीन
म्हणजे नोटांचा प्रश्नच नाय!
↩ प्रतिसाद: स्वामी संकेतानंद

तिमा
Mon, 11/14/2016 - 15:27 नवीन
स्वामी तिन्ही जगाचा नोटेविना भिकारी!

स्वामी संकेतानंद
Mon, 11/14/2016 - 18:21 नवीन
आणि चौथ्या कडव्यात यतिभंग झाल्याचे माहित आहे, त्याला चांगला पर्याय शोधतोय.
↩ प्रतिसाद: सूड

कैलासवासी सोन्याबापु
Mon, 11/14/2016 - 15:58 नवीन
स्वाम्याची निरीक्षणशक्तीची कमाल नोटा बंद झाल्यापासून चौफेर उधळली आहे बाबौ!! स्वाम्या, हलकट तुझ्या नोटा बदलून घे मेल्या नाहीतर नुसत्या कवितेच्या रेवड्या पाडत बसशील अन मग वेळेवर भिकारबंबू हातात चंबू होईल.

वेल्लाभट
Mon, 11/14/2016 - 17:04 नवीन
विडंबन एक्क्क नंबर झालंय! फक्त दोन बदल सुचवावेसे वाटतात. 'पडुन आहे 'कॅश' अजुनि' म्हटलंत तर विडंबन, मूळ काव्यातल्या स्वरांशीही अधिक जवळीक साधेल. आणि पहिल्या कडव्यातल्या दुसर्‍या ओळीचा पूर्वार्ध 'अजुन बँकाही न सरल्या' असं म्हटलंत तर मीटरमधे अधिक चांगलं बसेल. बाकी कडक!

स्वामी संकेतानंद
Mon, 11/14/2016 - 18:19 नवीन
धन्यवाद. नोट, कॅश दोन्ही मीटरमध्ये असले तरी कॅश जास्त चपखल होईल हे बरोबर आहे. माझ्या डोक्यात तेव्हा हे आलेच नव्हते. नोटा रद्द केल्याने नोट हाच शब्द डोक्यात होता. आणि मीटरचा घोटाळा लक्षात आणून दिल्याबद्दल पण विशेष आभार. तिथे 2 मात्रा जास्त पडल्या हे लक्षातच आले नव्हते. दोन्ही बदल स्वीकारण्यात येत आहेत.
↩ प्रतिसाद: वेल्लाभट

डॉ सुहास म्हात्रे
Mon, 11/14/2016 - 17:09 नवीन
=)) =)) =))

प्रा.डॉ.दिलीप बिरुटे
Mon, 11/14/2016 - 18:37 नवीन
मस्त. मजा आली. -दिलीप बिरुटे

टवाळ कार्टा
Mon, 11/14/2016 - 20:59 नवीन
=))

डॉ सुहास म्हात्रे
Mon, 11/14/2016 - 23:33 नवीन
दोन हजाराची नोट म्हटले तरच कॉंम्प्लिमेंट होईल, हजाराची नोट बाद झालीय आता :)
↩ प्रतिसाद: प्रीत-मोहर

अभिजीत अवलिया
Tue, 11/15/2016 - 02:03 नवीन
मस्त

इरसाल
Tue, 11/15/2016 - 11:28 नवीन
ही कविता मला वॉट्स्प वर "मिसळपाव" वरुन साभार म्हणुन आलीय ;)

स्वामी संकेतानंद
Tue, 11/15/2016 - 13:16 नवीन
माझं नाव होतं की नव्हतं खाली? ;) कारण मलाही आज सकाळी कायप्पावर आली, पण नावासह आली. :D
↩ प्रतिसाद: इरसाल

इरसाल
Tue, 11/15/2016 - 16:41 नवीन
नाही नाव नव्हतं कळवलय तसं.
↩ प्रतिसाद: स्वामी संकेतानंद

आदिजोशी
Wed, 11/16/2016 - 11:42 नवीन
मिटरचं जमवा थोडं. मजा येत नाही अन्यथा वाचायला. कवितेची/गाण्याची मूळ गेयता हरवायला नको.

स्वामी संकेतानंद
Wed, 11/16/2016 - 15:02 नवीन
फेसबुकवर केलेत ते बदल. दुसरा शेर वेल्लभटांनी सांगितल्याप्रमाणे बदलला. चौथ्यातील यतीभंगाचं अजून काही केलेलं नाही.
↩ प्रतिसाद: आदिजोशी

स्वामी संकेतानंद
Wed, 11/16/2016 - 15:07 नवीन
पण तोपर्यंत हे विडंबन त्याच्या जुन्या स्वरूपातच वायरल झाले च्यायला. :( :( आता काही फायनल बदल करून आपल्यापुरते ठेवावे लागेल.
↩ प्रतिसाद: स्वामी संकेतानंद

पद्मावति
Wed, 11/16/2016 - 15:12 नवीन
मस्तं जमलंय विडंबन =)) मलाही व्हतस अप वर आली तुमच्या नावासकट आणि खाली मिसळ पाव ची लिंक ही आहे.

चतुरंग
Wed, 11/16/2016 - 21:49 नवीन
मीटर गडबड आणि यतिभंगामुळे मात्र मिठाचा खडा... :( पाककृतीत किंचित बदल करुन कशी दिसती आहे ते सांगा स्वामीजी! पडुन आहे नोट अजुनी, राजसा थकलास का रे? एवढ्यातच रांग मोडुन, तू असा फिरलास का रे? अजुनही सरल्या न गड्ड्या, बघ हजारापाचशेंच्या अजुनही बँका न हरल्या, हाय! तू हरलास का रे? सांग, नोटा शोधणाऱ्या पंटरांना काय सांगू? उगवले एजंट सारे, आणि तू लपलास का रे? बघ तुला दिसतील आता मॉरिशसच्या चोरवाटा रंकखाती वापराया तू असा टपलास का रे? दडपल्या खोक्यांत साऱ्या पाचशेच्या बंद नोटा रेडला तू आयटीच्या आज घाबरलास का रे? (शेफ्)रंगा

स्वामी संकेतानंद
गुरुवार, 11/17/2016 - 06:22 नवीन
रंकखाती वापराया तू असा टपलास का रे? जमले जमले, मस्त. धन्यवाद. दुसऱ्यात तुम्ही आणि वेल्लभट दोघांनी केलेले बदल उत्तम आहेत. कोणतेही वापरता येईल फायनल व्हर्जनला! विडंबन crowd funding मध्ये लिहायला पाहिजे, दहा डोके लागतील तर भन्नाट जमत जातील.
↩ प्रतिसाद: चतुरंग

स्वामी संकेतानंद
गुरुवार, 11/17/2016 - 06:23 नवीन
crwod sourcing
↩ प्रतिसाद: स्वामी संकेतानंद