( मी बी पिरेम करीन म्हनते ) : प्रेमळ तडका

नीलमोहर's picture
नीलमोहर in जे न देखे रवी...
24 Jul 2016 - 10:00 pm

सावळ्याची त्या जोगीन बनीन म्हनते,
मी बी पिरेम करीन म्हनते...

राया तो माजा
भ्येटंल काय, न भ्येटंल काय,
वाट पहायाची आपली
पुरी तयारी हाय,
दैवाचीबी परीक्शा
घेइन म्हनते,
मी बी पिरेम करीन म्हनते...

जीवाचा सखा
गावंल काय, न गावंल काय,
समदं ह्या कपाळी
लिव्हल्यालं हाय,
नशिबासंगं आज
पैज लावीन म्हनते,
मी बी पिरेम करीन म्हनते...

आयुक्शाचे परश्न
सुटले काय, न सुटले काय,
धन्यासाटी आगीशीबी खेळने
मंजूर हाय,
डोरलं त्येच्याच नावचं
गल्यात घालीन म्हनते,
मी बी पिरेम करीन म्हनते ...

एकाद्याले जीव लावून
सार्थक जन्माचे होते,
एकल्याने जगताना
जगने अधुरे राहते,
सजनाचे नाव फक्त
माज्या नावासंगं जुळावे,
साथ त्येची भेटली की
जन्माचे सोने व्हावे,
झोकून पिरेम करावे
बस मागने नाही लय,

समदे मिलून बोला जी,
पिरमाचाच व्हावा जय...

****************

प्रेरणा:
http://www.misalpav.com/node/36609,
http://www.misalpav.com/node/36747

प्रेम कविताहे ठिकाण

प्रतिक्रिया

गंगाधर मुटे's picture

24 Jul 2016 - 10:15 pm | गंगाधर मुटे

प्रेम करा हो.अवश्य करा.
पण एकाच वेळी दोन-दोन स्थळी???

http://www.misalpav.com/node/36753

गंगाधर मुटे's picture

24 Jul 2016 - 10:18 pm | गंगाधर मुटे

अरेच्या! प्रेमळ तडका आणि टपोरी तडका हाय वाटते.

स्वारी.रॉयली स्वारी.

प्रा.डॉ.दिलीप बिरुटे's picture

24 Jul 2016 - 10:20 pm | प्रा.डॉ.दिलीप बिरुटे

अच्छा म्हणजे अस कनेक्शन आहे तर.. ओके

-दिलीप बिरुटे

ज्ञानोबाचे पैजार's picture

25 Jul 2016 - 9:28 am | ज्ञानोबाचे पैजार

ह्ये बी आवडल,
फकस्त हिरवीनीचा शँडल लहान साईजचा अन त्या शँडल मधला पाय जरा मोठा वाटला.
दोन्ही म्याच झाले असते तर लैच मज्जा आली असती.
मग कदाचीत पहिल्या कविते पेक्षा ही कविता जास्त आवडली असती.
पैजारबुवा,

प्रा.डॉ.दिलीप बिरुटे's picture

25 Jul 2016 - 9:44 am | प्रा.डॉ.दिलीप बिरुटे

विडंबन जरी असले तरी कविता वेगळी आहे आणि आशय मी गंभीरपणे घेतला आहे. आवडलीय रचना.

"सजनाचे नाव फक्त
माज्या नावासंगं जुळावे,
साथ त्येची भेटली की
जन्माचे सोने व्हावे,
झोकून पिरेम करावे
बस मागने नाही लय"

मीही असंच प्रेम करीन म्हणतो.

-दिलीप बिरुटे

संजय पाटिल's picture

25 Jul 2016 - 10:00 am | संजय पाटिल

विडंबन ऐवजी स्वतंत्र कविता म्हणून पण छान आहे

प्रचेतस's picture

25 Jul 2016 - 2:06 pm | प्रचेतस

+१

उडन खटोला's picture

25 Jul 2016 - 2:30 pm | उडन खटोला

+२

राजाभाउ's picture

25 Jul 2016 - 3:19 pm | राजाभाउ

+३