भरली केळी

कंजूस's picture
कंजूस in पाककृती
16 Oct 2015 - 4:11 pm

रुची विशेषांक पुरवणी ( अनेक्स )साठी अनाहुतांकडून :-

भरली केळी

साहित्य:-

राजेळी केळी, ओलं खोबरं ,गुळ.

कृती :-
१) राजेळी केळी आणून त्याची साल काळी पडू लागली की ते तयार झाले समझते.साल काढा आणि जपून ठेवा.ती वापरायची आहे.

फोटो १

फोटो २

२) तीन चार तुकडे करा.सुरीने त्या तुकड्यांना थोडी चीर द्या.

३) ओल्या खोबय्रात थोडासाच गुळ घालून शिजवून मोदकाचे सारण करतो तसे करा आणि केळ्याच्या चीर दिलेल्या तुकड्यांत भरा.

फोटो ३

४) पॅनमध्ये केळ्याची साल ठेवून थोडे तुप खाली सोडून त्यावर तुकडे ठेवा.वरती केळ्याचे/ हळदीचे पान वगैरे ठेवले तरी चालेल.वीस मिनिटे झाकण लावून मंद आचेवर शिजवा.

फोटो ४

फोटो ५

टीप :- १) राजेळी केळी तमिळ/केरळी दुकानदार भाजीवाल्यांकडे मिळतात.साधी हिरवी केळी वापरली तर स्वाद एवढा चांगला येत नाही.
२) साधी केळी असतील तर केळ्याच्या सालीस दोन उभे काप मारून सालीतून केळे बाहेर काढा.वरीरप्रमाणे सारण भरून तव्यावर/पॅनमध्ये थोडे तुप लावून शिजवतांना साल वापरू नका.तयार झाल्यावर काढलेल्या सालीतच पुन्हा हे तुकडे भरून साल थोडीशी उघडल्यासारखे दाखवून मांडून खाण्यासाठी ठेवता येते.यात सालीचा उपयोग सजावट म्हणून होतो. ही कृती साधारणपणे गोव्याकडच्या लोकांकडे वापरात आहे.

प्रतिक्रिया

प्रीत-मोहर's picture

16 Oct 2015 - 4:16 pm | प्रीत-मोहर

मस्त आणि माउथव्व्टरिंग. नक्कीच करुन बघेन

पिलीयन रायडर's picture

16 Oct 2015 - 4:25 pm | पिलीयन रायडर

अनाहुत लोकांची पुरवणी फार आवडली हो..!
वेगळाच पदार्थ.. नक्की करुन पाहिन..

पियुशा's picture

16 Oct 2015 - 4:32 pm | पियुशा

भन्नाट !

स्वाती दिनेश's picture

16 Oct 2015 - 4:35 pm | स्वाती दिनेश

अतिश्शय आवडीचा पदार्थ!
स्वाती

सस्नेह's picture

16 Oct 2015 - 4:40 pm | सस्नेह

राजेळी केळी म्हणजे लहान लहान देशी केळी का ?

मार्मिक गोडसे's picture

16 Oct 2015 - 4:55 pm | मार्मिक गोडसे

केळीचा हलवा आवडतो. हा प्रकारही आवडेल.

राजेळी केळी वापरल्यास शिजवताना साल का वापरावी व साधी केळी असल्यास साल का वापरू नये, चवीत फरक पडतो का?

नाव आडनाव's picture

16 Oct 2015 - 5:05 pm | नाव आडनाव

भारी.

dadadarekar's picture

16 Oct 2015 - 5:10 pm | dadadarekar

छान

रेवती's picture

16 Oct 2015 - 7:00 pm | रेवती

अनाहुतांची पाकृ आवडली.

खटपट्या's picture

16 Oct 2015 - 7:09 pm | खटपट्या

मला फोटो दीसत नाहीत ओ

सूड's picture

16 Oct 2015 - 7:13 pm | सूड

+१
मला पण

विवेकपटाईत's picture

16 Oct 2015 - 8:06 pm | विवेकपटाईत

मस्त आवडली. करून बघावी लागेल.

पद्मावति's picture

16 Oct 2015 - 9:02 pm | पद्मावति

वाह ,मस्तं यम्मी ! खूप छान पाककृती.

एस's picture

16 Oct 2015 - 10:50 pm | एस

सारणात थोडी वेलचीपूड घातल्यास अजून चव येईल असे वाटले. करून बघतो.

पैसा's picture

16 Oct 2015 - 11:13 pm | पैसा

मस्त पदार्थ आहे!

स्रुजा's picture

16 Oct 2015 - 11:21 pm | स्रुजा

अनाहुत पाककृती खास च एकदम ! लगेच करुन बघते, एक केळ उरलंय त्याचं काय करावं हा प्रश्न सुटला. फक्त ते राजेळी आहे की नाही ते कसं ओळखायचं?

सोप्पं आहे...सोलून बघ कि...कंजूस रावांनी म्हणून सोललेल्या केळ्याचं चित्र दिलं आहे.

असंच काहीसं दिसत होतं ब्वॉ माझ्या कडचं केळं. जे काही होतं. केला मी हा प्रकार त्याच दिवशी आणि भन्नाट लागला. त्या सारणात मी वेलची पुड , ड्रायफ्रुट्स वगैरे पण घातले, केळ तुपावर परतलं. कॅलरी च्या नावाने आनंद ! पण चव फर्मास .. मजा आली.

मदनबाण's picture

17 Oct 2015 - 12:35 am | मदनबाण

भरली केळी म्हणजे अती उच्च पाकॄ आहे ! माझ्या मातोश्री हा प्रकार एकदम मस्त बनवतात !
उकडीचे मोदक + तूप आणि भरली केळी + तूप = अमॄत ! :)

मदनबाण.....
आजची स्वाक्षरी :- यही है प्यार... ;) :- Aa Ab Laut Chalen

दिपक.कुवेत's picture

18 Oct 2015 - 2:04 pm | दिपक.कुवेत

पण हि खायची कशाबरोबर? की नुसतीच

त्रिवेणी's picture

18 Oct 2015 - 9:00 pm | त्रिवेणी

दिसते मस्तच आहे. पण इतके गोड नाही खावु शकणार.