डॉ. कलबुर्गी..यांची हत्या..

हिंदुत्ववादी संघटना आक्रमक झाल्या आहेत,त्यातुनच पुरोगामी लोकांचे खून पडत आहेत.केंद्रात व अनेक राज्यात हिंदुत्ववादी सरकारं असल्यामुळे अश्या खूनातील आरोपींना मोकळे सोडन्याकडे कल वाढला आहे.
याला प्रत्युत्तर म्हणुन विद्रोही ,परिवर्तनवादी कार्यकर्त्यांनी हातात बंदुका घेतल्यास आश्चर्य वाटायला नको.

अशा भेकड हत्या करणार्‍या लोकांचा आणि त्यामागे जे कुणी असतील त्या सर्वांचा ती व्र नि षे ध.

भेकड कुठले!

हत्येचा निषेध.

अश्या हत्यांनी काय साधले जाते कोणास ठावूक ?!

कलबुर्गी यांच्या खुनाचा निषेध! कर्नाटक सरकारने त्यांच्या खुन्यांना लवकरात लवकर पकडून न्यायालयात खेचून जास्तीत जास्त शिक्षा मिळण्याकरिता प्रयत्न करावे.

कलबुर्गी हे नाव आज आयुष्यात पहिल्यांदाच ऐकलं. हे नक्की कोण, कुठले, त्यांनी नक्की काय केलं इ. बद्दल आजतगायत कणभरही माहिती नव्हती. गुगलल्यावर खालील माहिती मिळाली आणि धक्काच बसला.

http://www.niticentral.com/2014/06/22/ur-ananthamurthy-should-leave-peop...

Jnanpith Awardee and distinguished Kannada scholar Professor UR Ananthamurthy (URA) has once again hit the headlines, for the wrong reasons, and as some would say predictable reasons, given his penchant for anti-Hindu writing.

URA, as he is commonly known, said that he had once pissed on an idol which was worshiped by the villagers. A crazy act though it may be but apparently he did so because he wanted to prove that the idol had no powers. After his shock-and-shame act, nothing shocking and shaming happened to him and so the learned professor concluded that it was after all, only a stone.

The controversy sparked off due to a news report over a speech by MM Kalburgi, former Vice-Chancellor, Hampi University at a public program in Karnataka. Kalburgi in his address reportedly referred to an essay written by URA where the latter recounts a childhood experience when he urinated on a temple deity in a village. Apparently this act was to challenge the belief systems handed down to him in his family which said that everything was sacred.

हे स्वतःला विचारवंत, बुद्धीप्रामाण्यावादी आणि प्रागतिक विचारांचे समजले जाणारे अशी किळसवाणी आणि एका विशिष्ट समाजाच्या भावना व श्रद्धास्थाने दुखावणारी कृत्ये का करतात? अशी कृत्ये करून समाजातील मूर्तिपूजा थांबणार आहे का? इतरांच्या धार्मिक भावना दुखावून त्यांना नक्की कसले विकृत समाधान मिळाले?

जरी हे कृत्य बालवयात केले असले तरी त्याबद्दल खेद, खंत न वाटता वयाच्या उत्तरार्धात त्याबद्दल पुस्तक लिहून प्रसिद्ध करून त्यांना नक्की कसले समाधान मिळते?

अनंतमुर्तींच्या या किळसवाण्या कृत्याचा निषेध न करता जाहीर सभेत त्याचा संदर्भ देऊन कलबुर्गींनी नक्की काय मिळविले?

मूर्तीपूजा ही अंधश्रद्धा आहे हे या कृत्यातून अनंतमूर्तींना सिद्ध करायचे होते तर इतर धर्मात सुरू असणार्‍या मूर्तीपूजेला त्यांनी कधी अशा प्रकारे किंवा इतर कोणत्याही प्रकारे विरोध केला होता का? तसा केला नसल्यास फक्त हिंदू धर्मातील मूर्तिपूजा ही अंधश्रद्धा आणि इतर धर्मातील मूर्तिपूजा ही डोळस श्रद्धा आहे असा त्यांचा समज होता का? असेच कृत्य करण्याचे धाडस त्यांनी इतर धर्मांच्या श्रद्धास्थानांबद्दल दाखविले असते का?

मला कधी कधी वाटते की हिंदू अतिसहिष्णु असल्याने बिनदिक्कत कोणीही कसलीही कृत्ये करून सश्रद्ध समूहाच्या भावना दुखावतो आणि भावना दुखावणारा विचारवंत, बुद्धीप्रामाण्यवादी इ. विशेषणांनी गौरविला जातो.

अनंतमूर्तींना ज्ञानपीठ पुरस्कार मिळालेला होता. कलबुर्गींना साहित्य अकादमीचा पुरस्कार मिळाला होता. सध्या जगातील प्रत्येक विषयावर वाटेल ते बरळणारे नेमाडे यांना देखील ज्ञानपीठ पुरस्कार मिळालेला आहे.

या मानाच्या पुरस्काराकरिता अशा व्यक्ती निवडणार्‍यांची कीव आली.

https://en.wikipedia.org/wiki/M._M._Kalburgi

विकीवरून अजून माहिती मिळाली. लिंगायत समाजाचे संस्थापक बसवेश्वर यांच्या संदर्भातही कलबुर्गींनी वादग्रस्त विधाने केलेली दिसतात.

He came under criticism in the 1980s from the lingayats community of Karnataka, after he was accused of making "derogatory references" to Basava, a 12th-century philosopher who is revered by the community, Basava's wife and sister, in his Marga 1, a work on Kannada folklore, religion and culture.

In 1989 Kalburgi was forced by the Lingayat temple-chiefs to recant the allegedly derogatory references to the founder of Veerashaivaism, Basava, his wife and sister. The controversy was about two articles in his book Marga 1. In the first, Kalburgi examined several vachanas (poems) written by Basaveshwara's second wife Neelambike and concluded that her relationship with her husband may have been only platonic. In the other article, he pointed out the obfuscation by historians of the birth of Channabasava, another Virashaiva poet. Kalburgi, relying on historical records, argued that Channabasava could be the product of Basava's sister Nagalambike's marriage to Dohara Kakkaya, the cobbler-poet. After recanting his views Kalburgi had said, "I did it to save the lives of my family. But I also committed intellectual suicide on that day."

निवडणुक जींकता येत नसेल तर असे बळी घेऊन विरोधकांना बदनाम करण्याचा प्रयत्न करायचा? हद्द झाली नालायकपणाची.

चार्ली हेब्दोवर मुस्लिम मूलतत्ववाद्यांनी हल्ला केला आणि तिथल्या लोकांना मारलं तेव्हा धर्माची कुचेष्टा करणं वाईटच. त्याचाच हा परिणाम आहे अशी एक प्रतिक्रिया वाचली होती. इथे फक्त धर्म बदलले आहेत. शिवाय स्वघोषित आरामखुर्चीतले न्यायाधीश काहीही पुरावा सापडलेला नसताना हिंदुत्ववादी संघटनांवर खापर फोडून मोकळे झालेले आहेत. एकूण काय तर इस्लामी धर्मांधांनी घेतलेला सूड समर्थनीय आहे आणि इथे कोणताही पुरावा नसताना हिंदू ब‌ॅशिंग चालू झालेले आहे. शिवाय वैयक्तिक टीकासुद्धा. टाका टाका, अजून आपापल्या मतांच्या पिंका टाका. असं करण्याचे किती पैसे मिळतात ते विचारलं तर लगेच व्यक्तिगत टीका वगैरे म्हटलं जाईल आणि स्वतःची तथाकथित धर्मनिरपेक्ष बडबड सोयीस्कररीत्या विसरली जाईल. दुस-याकडे आरोपाचं एक बोट रोखलेलं असताना बाकीची तीन बोटं स्वतःकडे रोखलेली असतात हे जेव्हा लक्षात येईल तो सुदिन. बाकी चालू द्या.

मुरतीपुजेचा विरोध हा गुन्हा आहे ?

आर्यसमाज हेच म्हणत होता ना ? आर्यसमाज्म्हणजे ते पिंडीवर उंदीर चढलेला पाहून पुजा वगैरे सोडुन दिलि ते.

न तस्य प्रतिमा अस्ति यस्यनाममहद् यशः

कवी, नाटककार, समीक्षक आणि साक्षेपी इतिहासकार ज्यांनी आयुष्यभर विवेकाचा, वैज्ञानिक दृष्टिकोनाचा आणि मानवतेचा आग्रह धरला अशा डॉ.एम.एम.कलबुर्गी यांच्या हत्येचा मी निषेध करतो.

-दिलीप बिरुटे

मी स्वतः मूर्तिपूजा करतो. पण एक सांस्कृतिक करमणूक म्हणून. मूर्तित देव पहाणार्यांची मला कीव येते पण मी ती त्याना
बोलून दाखवून दुखविण्याचे पातक कशाला करू ? हं असा आपला फंडा आहे. गणपतीची मूर्त ही मूर्तच आहे तो प्रत्यक्ष
गणपति नवे हे खरेच तरीही त्या मूर्तीला पाण्यात विसर्जन करताना दगड फेकल्याची वागणूक मिळता कामा नये इतके तारतम्य गरजेचे आहे.

माझा एक प्रतिसाद संपूर्ण उडवण्यात आला असून दुसरा संपादित केला गेला (केवळ शीर्षक बाकी) आहे.

मी या दोन्ही प्रतिसादांमध्ये, एक प्रयोग म्हणून, जाणूनबुजूनच प्रक्षोभक आणि आव्हानात्मक (पण असभ्य वा अश्लील नव्हे) भाषेचा उपयोग केला होता. प्रतिसाद संपादित केला जाईल याची मला पूर्ण कल्पना होती.

यावरून मला हे दिसून आले, की अन्य कुठेही, कुणीही, काहीही बोलो अथवा लिहो, मिपा व्यासपीठाची सोज्वळता आणि निरागसपणा शाबूत राहणे महत्वाचे!

यातून उपस्थित होणारा पुढचा प्रश्न: अशा विषयांची मिपावर चर्चाच का होऊ द्यावी?

हा प्रतिसाद उडवला जाणार नाही अशी अपेक्षा :-)

सगळी करमणुक.
पुरोगामी, प्रतिगामी, अजुन कुठले कुठले गामी, मग गांधीहत्या वगैरे. फक्त आम्हाला का आरसा दाखवताय, 'त्यांना' का नाहि असे प्रश्न. विचारांची लढाई, पत्रकारांच्या बाता, मोर्चे, सर्व कसं एकदम हातात मशाल घेऊन अंधार जाळायची फॅशन आल्यागत चार दिवसांचा दशावतार. कुणा अडगळीत पडलेल्या विचारवंताची लेखणी पारजणार. कुणी तर एकदम बंदुकींनी प्रतिवाद करायल सरसावणार. तरी बरं... अजुन 'पटेल' असं कारण पुढे आणलं नाहि कुणी.

सर्वात मजेदार म्हणजे निषेध व्यक्त करणे. हवेत तीर मारायचं समाधान तरी का घालवायचं.

सत्य फक्त दोनच. एक निश्प्राण कलेवर. दुसरा तो पाताळयंत्री मेंदु.

हा ब्लॉग वाचनात आला. दाभोळकरांबद्दल काही थोड्या फार प्रमाणात समतोल लिहिले आहे असे वाटले. नुसताच उदो उदो न करता लिहिलेले आहे, असे वाटले.

http://harinarke.blogspot.in/2013/08/blog-post_20.html

कुलबुर्गींच्या हत्येचा निषेध. या हत्येने नक्की काय साधले हे खूनीच सांगु शकेल पण कुठल्याही व्यक्तीचा जीवनाचा हक्क हिरावुन घेणे हा सर्वोच्च पातळीवरचा गुन्हा आहे हे देखील मारेकर्‍यांना समजु नये काय? अश्या निर्घृण कृत्याचा निषेध करावा तेवढा कमीच.

हे डॉ कुलबुर्गी कोण ते काही माहिती नाही. या आधी त्यांचे नावही कधी ऐकले नव्हते. गोविंद पानसर्‍यांबाबतही तेच. नरेंद्र दाभोळकर नक्कीच माहिती होते त्यांच्या अंनिसच्या कार्यावोषयी मात्र इतर दोन नावे ऐकण्यात नव्हती. त्यांचे कार्यही काही खूप व्यापक प्रमाणावर नव्हते. या हत्यांमागे त्यांच्या सार्वजनिक कार्याचीचा पार्श्वभूमी आहे काय? कारण लोक नुसतेच आरडाओरडा करताहेत की या मागे सनातनी संस्था आणि व्यक्ती आहेत. पण म्हणजे नक्की कोण कुणीच बोलत नाही. नक्की काय प्रकार आहे?

हत्येचा निषेध.आता काही विशिष्ट विचारसरणीचे लोक कलबुर्गी ह्यांचा सगळा पूर्वेतिहास खणून काढतील. ३०-४० वर्षापूर्वी त्यांचे एखादे वादग्रस्त विधान तुमच्या त्या फेसबूक वा अशा साईटींवर सारखे अधोरेखीत करतील व मग 'बघा आम्ही म्हणतच होतो.. उगीच हत्या होत नाही...." हे बिंबवायचा प्रयत्न करतील.

मुरतीपुजेचा विरोध हा गुन्हा आहे ?

मूर्तीपूजा करणं आहे ? तुम्हाला मूर्तीपूजा करायची नसेल तर नका करू . पण इतरांनी करू नये म्हणून सक्ती का ? मग इस्लामी मुलतत्ववाद्यांत आणि तुमच्यात फरक काय ? हिंदू धर्मामध्ये सगुण आणि निर्गुण अश्या दोन्ही उपासना आहेत . सगुण उपासना करता करता निर्गुण उपासना करायची ताकद येते .
हल्ली हिंदू धर्मातल्या प्रत्येक गोष्टीवर टीका करण्याची , हिंदू धर्माच्या नावाने बोटे मोडण्याची फ्याशनच आलीये . आणि हिंदूच जर विनाकारण आपल्याच धर्माला बदनाम करत असतील , नको त्या गोष्टी हिंदू धर्मात घुसडत असतील तर माझा त्याला विरोध आहे . दाभोलकरांनी सुधा अंधश्रद्धे करताना भान सोडलं.
मी तरी ह्या हत्येचा निषेध करणार नाही .पुरोगामी म्हणजे धर्मावर वाटेल ते आरोप करणे, निंदा नालस्ती करणे किवा पूजा , उपासना करण्याला विरोध करणे असा अर्थ होतो का ? इतर धर्मांमध्ये खंडीभर अंधश्रधा भरल्यात . त्यांवर कोणी भाष्य करत नाही ?

कलबुर्गी ह्यांचा आत्म्याला शांतता लाभो. चुकिची घटना. हत्येचे समर्थन नकोच. परमेश्वरा सर्वाना सद्बुध्दी दे. :(

वरच्या प्रतिसादातील 'मूर्तीपूजा करणं आहे ?' हे वाक्य 'मूर्तीपूजा करणं गुन्हा आहे ?' असं वाचावं . टाईप करताना गडबड झाली

हत्येचं समर्थन नाहीच. ते कुणी करूही नये. त्याचा जितका निषेध करावा तितका कमीच. पण "जर" या हत्या तथाकथितरित्या हिंदुत्व वाद्यांनी केल्या असतील तर ही दुर्दैवी आणि त्यापेक्षा जास्त करूण घटना आहे. जर ती मूर्तीवर लघुशंका करण्याबद्दल गोष्ट खरी असेल तर या लोकांनी (म्हणजे तथाकथितरित्या हिंदुत्व विरोधी लेखक/कार्यकर्त्यांनी) अशा भडकावू गोष्टी का केल्या/बोलल्या असाव्यात याबद्दल माझं पृथक्करण असं: त्यांचा अंदाज चुकला. जगातलया सगळ्यात सहिष्णू धर्मावर टीका करून मोठं होता आलं पण जसे माथेफिरू इतर धर्मात असतात तसेच ते हिंदू धर्मात सुद्धा असतील/पुढे असू शकतील असं त्यांना वाटलंच नाही. मुस्लीम धर्मातल्या प्रथांवर टीका करून हुतात्मा होण्याची शक्यता बरीच जास्त. मग अशा धर्मावर टीका करा ज्याच्यामध्ये अशा प्रवृत्ती नसतील किंवा फारच कमी प्रमाणात असतील, फार फार तर हे लोक निषेध करतील आणि गप्प बसतील; तेव्हा करा टीका आणि नाव कमवा असा सरळ हिशेब असावा. तो गेली बरीच वर्षं खराही असावा. ही बहुधा एक कॅलक्युलेटेड रिस्क असावी जी जिवावर बेतली असावी.

कलबुर्गी यांच्या हत्त्येचा निषेध.केवळ विचारसरणी विरोधातून खून होणे हे समाजाच्या अवनितीचं लक्षण नाही का? कोणीही आपल्या धारणा ठेवु शकत नाही का?

मुरतीपुजेचा विरोध हा गुन्हा आहे ? ~ इति दा. द. चा प्रतिसाद

मूर्तीपूजा करणं गुन्हा आहे ? ~ इति तुडतुडी यांचे प्रतिसाद

एकमेकांच्या अभिव्यक्ती स्वातंत्र्याची गळचेपी करणे हे किमान नैतीक दृष्ट्या निंदनीय आहेच आहे. एकमेकांकडे, इकडे तिकडे बोटे दाखवून कुणाच्याही कोणत्याही अभिव्यक्ती स्वातंत्र्याची गळचेपीचे कोणत्याही बाजूच्या निगेटीव्ह अ‍ॅटीट्यूडचे समर्थन होत नाही.

दुसर्‍याने ताळतंत्र सोडले म्हणुन राग येऊ शकतो हे खरे तरीपण एकाने ताळतंत्र सोडले म्हणून मी ताळतंत्र सोडतो हे फलदायी उत्तर नव्हे. रामकृष्ण परमहंसांनी मुर्तीपुजेच्या विरोधक विवेकानंदांवर गोळी घातली असती तर मुर्तीपुजेचे हिंदू धर्माचे समर्थक विवेकानंदांचा हिंदू धर्मीयांना लाभ झाला असता का ? विचारांचा लढा विचारांनीच लढला जाऊ शकतो लघुशंका करून अथवा लघुशंका करणार्‍यास गोळी घालून नव्हे.

मुर्तीपुजा करणार्‍या अथवा मुर्तीवर लघुशंका करणे आणि मुलतत्ववाद्यांनी मुर्तीभंजन करणे यात खरेच फरक नाही, तसेच आपल्या अबकड प्रतिमांचा अपमान झाला म्हणून हिंसक कृत्ये करणार्‍या मुलतत्ववाद्यात मग ते या समुहाचे असोत का त्या समुहाचे असोत त्यात फरक नाही. त्याने केले म्हणून माझे बरोबर हे सुयोग्य उत्तर नव्हे.

हिंदूधर्मातील वैचारीक परंपरांचे वैविध्य विचारांचा विचारांनी सामना करणार्‍यामुंळे तग धरून असावे आदि शंकराचार्य विवेकानंद हि त्याची उदाहरणे आहेत, इतरांच्या संकुचीतततेमुळे अपरिपक्वपणामुळे मी मला संकुचीत करून घेणे मी मला स्वतःला अपरिपक्व ठेवणे यामुळे शत्रुपक्षाचे काय होईल माहित नाही तुमच्या स्वतःच्या वैविध्यास तडे जाणार नाहीत, तुमच्या स्वतःच्या वैचारीक स्वातंत्र्याला, तुमच्या स्वतंच्या आदर्शाला तडे जाणार नाहीत याची काळजी घेतली जाणेही तेवढेच महत्वाचे असावे. दुसर्‍याने कोळसा हातात घेऊन उगाळला म्हणून तोच आपणही आपल्या हातात घेऊन उगाळला तर दुसर्‍याचा चेहरा काळा करायच्या नादात आपले हातही काळे होण्याचा धोका असतो.

असो.

हत्येचा तीव्र निषेध. एखाद्याच्या चितेवर पोळी भाजणे म्हणजे काय हे बघायला मिळते आहे. मात्र निव्वळ विचाराला विरोध म्हणून हत्या आताच्या काळात भारतात होईल हे खरे वाटत नाही. सुदैवाने आपल्याकडे इसीस किंवा तसले कोणी नाही. या अशा हत्यांच्या मागे दुसरीच काही कारणे असावीत जी कधीच आपल्यासमोर येणार नाहीत. ईश्वर मृतात्म्यास शांति देवो.

|| क्षात्रधर्म ||

जयास जीवाचे वाटे भये | तेणे क्षात्रधर्म करूं नये |
कांहितरी करोनि उपाये | पोट भरावे ||
मारितां मारितां मरावें | तेणे गतीस पावावें |
फिरोनि येता भोगावें | महद्भाग्य ||
जैसा भांड्याचा गलोला | निर्भय भारामध्ये पडिला |
तैसा क्षत्री रिचवीला | परसैन्यामध्ये ||
नि:शंकपणें भारफुटती | परवीरांचे तकवे तुटती |
जैसा बळिया घालून घेती | भैरी उठता ||
ऐसे अवघेच उठतां | परदळाची कोणी चिंता |
हरणे लोळवी चित्ता | देखत जैसा ||
मर्दे तकवा सोंडूं नये | म्हणजे प्राप्त होतो जये |
कार्य प्रसंग समये | वोळखावा ||
देवद्रोही तितुके कुत्ते | मारूनी घालावे परते |
देवदास पावती फत्ते | यदर्थी संशयो नाही ||
देव मस्तकी धरावा | अवघा हलकल्लोळ करावा |
मुलुख बडवावा का बुडवावा | धर्मसंस्थापनेसाठी ||

- समर्थ रामदास

काळ कोणता संदर्भ कोणता.एखाद्याच्या विचारसरणीमुळे झालेल्या हत्येचं समर्थन कसे होऊ शकते? ही विचारांची दडपशाही नाही का?

अंपायरनं डेड बॉल दिला वाटतं. दोन तीन रन कमी झाल्यात.

१०० +

देव अस्तित्वात असता, तर "या निर्बुद्धांना बुद्धी दे" अशी प्रार्थना करता आली असती

एक लिखित ओळीच्या, दोन वाक्यं आणि एका लिंकच्या पिल्लू आकाराच्या पालीच्या शतकी डायनोसॉरी रुपांतराबद्दल संजयकाका पाटलांचा एक चायनिज प्लास्टीकचा डायनोसॉर, श्रीगुरुजी आणि तुडतुडी यांना एक नटराजाची मूर्ती, माईसाहेब यांना तोंडावर बांधण्याचा मास्क आणि डॉ. खरे, मदनबाण आणि समस्त जनतेला एक एक इक्लेअर्स देऊन सत्कार करण्यात येत आहे.

धागा वाईट घटनेबद्दल असल्या ची पूर्ण कल्पना आणि जाणीव आहे. सत्कार फक्त धाग्याबाबत आहे. वसकरुन अंगावर येऊ नये.
- मानाजेपीअध्यक्षतेखालीमिपासत्कारसमितीउपसचिव

चार्ली हाब्डो.प्रकरणावर तोंडसुख घेणारे मिसळपावीय लोक आज या हत्येचे मात्र अप्रत्यक्षरीत्या समर्थन करत आहेत हे वाचोन माझा माजी हिंदु व आजी अ-हिंदु आत्मा गलबलला.

'ज्ञानपीठ' आणि 'साहित्य अकादमी' या दिल्लीतून दिल्या जाणार्‍या सन्मानांचा इथे उल्लेख आलेला आहे, त्यावरून सांगू इच्छितो, की हे आणि असले अनेक पुरस्कार मिळवून देण्याचा 'जुगाड' करणारे एजंट लोक दिल्लीत सक्रीय आहेत. काही लाख (किंवा आता कोटीही असेल) रुपयात ते हा जुगाड करवून देतात. दिल्ली मे सब बिकता है भाई.