प्रबंध

व — वेल्लाभट,
चिरदाह वेदनेचा मजला अखंड व्हावा मन त्यातही रुळावे, अन दाह थंड व्हावा येऊनिया न यावा माझा प्रयास कामी नशिबासही कसा हा माझाच छंद व्हावा ते शब्द आठविता, जणु काळही थिजावा एका क्षणाक्षणाचा बघता निबंध व्हावा एकी अशी असावी, निश्चय असा असावा हातात हात यावे, अन मार्ग रुंद व्हावा झिरपावी या मनात एकेक गोष्ट ऐसी प्रत्येक भावनेचा न्यारा सुगंध व्हावा विश्वास या मनीचा, एकाकी मंद व्हावा आतून हाक यावी, अन तो बुलंद व्हावा माझेच मी पुसावे अश्रू असे हसूनी कसलातरी मनाचा माझ्या प्रबंध व्हावा - अपूर्व ओक
3819 वाचन
💬 प्रतिसाद (20)

psajid
Fri, 07/25/2014 - 14:42 नवीन
"एकी अशी असावी, निश्चय असा असावा हातात हात यावे, अन मार्ग रुंद व्हावा" हे जमायला हवं !

राजेंद्र मेहेंदळे
Fri, 07/25/2014 - 15:10 नवीन
अन मार्ग रुंद व्हावा ऐवजी "अन मार्ग स्पष्ट व्हावा" चालेल काय?
↩ प्रतिसाद: psajid

वेल्लाभट
Fri, 07/25/2014 - 15:39 नवीन
नाही..; काफिया जुळत नाही. स्पष्ट पेक्षाही अर्थाने रुंदच अभिप्रेत आहे. थिन लाईन ऑफ डिफरन्स. :)
↩ प्रतिसाद: राजेंद्र मेहेंदळे

मिसळलेला काव्यप्रेमी
Fri, 07/25/2014 - 15:41 नवीन
एकी अशी असावी, निश्चय असा असावा हातात हात यावे, अन मार्ग रुंद व्हावा
सुंदर!!

अत्रुप्त आत्मा
Fri, 07/25/2014 - 18:44 नवीन
माझेच मी पुसावे अश्रू असे हसूनी कसलातरी मनाचा माझ्या प्रबंध व्हावा >>> अत्तीशय सुंदर!

आयुर्हित
Fri, 08/01/2014 - 22:06 नवीन
एकी अशी असावी, निश्चय असा असावा हातात हात यावे, अन मार्ग रुंद व्हावा झिरपावी या मनात एकेक गोष्ट ऐसी प्रत्येक भावनेचा न्यारा सुगंध व्हावा जबरदस्त आशावाद प्रकट झाला आहे! आपले मनातले स्वप्न पुरे होवो. फक्त विश्वास या मनीचा, कदापि न मंद व्हावा आतून हाक यावी, अन तो बुलंद व्हावा हे जास्त योग्य होइल असे वाटते.

वेल्लाभट
Mon, 08/04/2014 - 16:46 नवीन
आभार !:)
↩ प्रतिसाद: आयुर्हित