सिंडी क्रॉफर्ड!

माझे सगळे अमेरिकानिवासी मित्रमैत्रिणी,

बेसनलाडू, विकास, धन्या, कोलबेर, टग्या, प्रियाली, चित्रा, प्राजू, आणि सर्कीट!

चला कामाला लागा पाहू सगळे!, आणि लवकरात लवकर सिंडीचा मोबाईल नंबर, घरचा पत्ता मला कळवा!

आमच्या सर्कीटचे संकेतस्थळांवरचे पराक्रम पाहता, त्याला तर सिंडीचा आय पी पत्ता देखील शोधून काढणे अवघड नाही! )

ती लॉस एंजेलिसला राहते असं विकीत म्हटलंय!

आपला,
(सध्या सिंडीच्या हात धुऊन मागे लागलेला!) तात्या.

मिळालेल्या माहितीवरून घरचा पत्ता, फोन नंबर आणि जन्मदिन समाविष्ट असलेली व्यक्तीची पार्श्वभूमी अहवाल स्वरूपात हवी असल्यास $४० ($ ३९.९५)शुल्क आकारण्यात येणार असल्याचे कळते. मिसळपावच्या खजिन्यातून माझ्या ब्यांक खात्यात ऍडवान्स जमा होणार असला तर पुढील कामास लागतो
(संपर्कशील)बेसनलाडू

तात्या,

शकिरा, कॅथरीन झीटा जोन्स, लिव टायलर, नाओमी वॅट्स, निकोल किडमन सोडून तुम्हाला ही आवडावी याचे वाईट वाटले.

(दु:खी) आजानुकर्ण

कर्णा, लिस्ट मधे स्कार्लेट जोहान्सन राहुन गेली आहे. असो. तात्यांची पसंद सुद्धा लय भारी.

- सूर्य

वा! वा! तात्या तुमची आवड लई जबरा बरं का! सिंडी आहेच मस्त. इलियॉनॉइच्या शेतावर वाढलेली ही कन्या अगदी मस्त दणकट. इतर मॉडेल्ससारखी पाप्याचं पितर नाही. आणि तो ओठांवरचा तीळ पहा, येकदम वरिजिनल बरं का! आमच्या रेखाताईंचा तीळ खरा का खोटा असा अजून प्रश्न पडतो मला पण सिंडीबद्दल नाही पडत.

आता तिचा पत्ता शोधायची सोपी कॢप्ती सांगते. तिचा पत्ता शिल्पा शेट्टीला विचारा. ती तो रिचर्ड गेरला विचारेल. सिंडी त्याची पूर्वाश्रमीची बायको. दुसरं काही नाहीतरी पत्ता नक्की मिळेल त्याच्याकडे.

www.contactvip.com नावाची वेबसाईट मिळाली. त्यात तुमच्या "व्हर्च्युअल" मैत्रीणीचे नाव दिल्यावर खालील माहीती आली:

Nr Celebrity Type Reported success Last 3 months
1 Cindy Crawford Actor, Model 4 members received a reply from Cindy Crawford 1 in the last 3 months

आता पुढे तुमचे तुम्ही पहा!

मपल्याला अदुगर वाटल कि क्रॉफर्ड मार्केट मधल्या यखांद्या सिंध्याने घोळ केला कि काय? चित्र पहितल्यावर
मंग कळाल कि ह त्येंच्या मनातलि सिंदी वायली हाये. त्येंच्या मनातलेच विच्छा हायेत. बंटा मारला कि असे भास व्हतात बरं का? बम भोलेनाथ म्हन्ल कि डायरेक शंकराला भेटता येतय. तिथ तुमच्या शिंदिच काय घेउन बसलात? ती काय शंकरापेक्षा भारी लागून गेली कि काय? बंटा मारला कि येशीखालून चालनारा मानूस बी टकुर्‍याला लागनं म्हनून वाकू वाकू चाल्तोय. पावसाच्या पान्याच्या डबक्यात बुडनं म्हणुन वाकु वाकु ठाव घेतुय. यष्टी लई लांब असली तरी अंगाव येईन म्हनून अदुगरच पळत सुटतोय. यकदा रामराम दुसर्‍यान घेतला तरी धा धा यळंला रामराम करतुयं. मंग मान्स बी वळ्खून जात्यात. यकदन सस्त व मस्त उपाय हाय. अव यकदाच काय धा धा टायमाला बसन तुमच्या सोबत मिसळपाव खायला.
ह घ्या सां न ल
प्रकाश घाटपांडे

त्यांच्या नावाचे आणि रूपाचे माझ्या मनात काय वावडे आहे, कोणास ठाऊक. त्यामुळे सिंडी नक्की कोण ते बघायला चार-चार चकरा टाकल्या इकडे. व्यापाराच्या खेळात क्रॉफोर्ड मार्केट पिवळ्या तिकिटाचे होते हे लक्षात राहायला मुळीच कठिण जात नाही. आणि आमच्या ऑफिसमधल्या सिंडीचा चेहरा चांगलाच लक्षात आहे.

मी ज्या बारमध्ये ठाण मांडून असतो, तिथे व्हिडियोवर सारखी मॅडोनाची गाणी दाखवत असतात. माझ्या मित्रमंडळीने हसे करून ("ही कोण?" विचारून, माझ्या भांबावल्या तोंडाकडे हसून) आता मला ती ओळखू येते. पुढचा स्टॉप मराया कॅरी, नेली फुर्तादो. शकीरा आवाजावरून आधीच ओळखू येते.

नशीब की माझे मित्र मला जूडी गार्लंड, बार्ब्रा स्ट्रायसँड वगैरे प्रथितयश पुरंध्रींची ओळख करवून मला त्रास देत नाहीत. या विषयात मी नापास होणार हे विधिलिखित आताशा स्पष्ट दिसू लागले आहे.

तात्या,

सिंडीच्या एजण्टचा पत्ता हा आहे:

Creative Artists Agency
9830 Wilshire Boulevard
Beverly Hills, California 90212-1825
USA

आणि फोन नंबर :

424.288.2000

तुम्हाला ल्युकेमिया च्या रोगींसाठी भारतात चॅरिटी शो करायचा असल्याने सिंडीची मदत हवी असल्यास सिंडी नक्कीच तुमच्याशी बोलेल. तेवढेच तुमच्या हातून पुण्यकर्मही होईल.

- सर्किट

तात्या,
झाला का संपर्क सिंडी काकूंशी?