Skip to main content

पावले

लेखक स्वाती फडणीस यांनी बुधवार, 16/07/2008 12:40 या दिवशी प्रकाशित केले.
पावले . चालता चालता पावले थांबतात, थकतात, कि कानोसा घेतात.. आपल्याच मनोबलाचा! चालता चालता पावले अडखळतात, मागे फिरतात, कि चाचपतात. . आपल्याच विश्वासाला! चालता चालता पावले शिणतात, वैतागतात, कि विचार करतात.. "ती चालता आहेत, कि चालवली जात आहेत याचा!" चालता चालता पावले चाचपतात, विचार करतात, कि पडताळून पहातात.. "ध्येय आहे म्हणून.. ती चालतात, कि ती चालतात म्हणून.. ध्येय आहे?" चालता चालता पावले थांबतात, अडखळतात, कि विचारी बनतात!!! ==================== आपली स्वाती फडणीस................1995
Taxonomy upgrade extras
प्रकटन
लेखनविषय:
वाचने 4665
प्रतिक्रिया 13

प्रतिक्रिया

सहज बुधवार, 16/07/2008 12:50
विचारमग्न पावले आवडली. अजुन येउ दे. अविचारी पावले अर्थात वात्रटिका चालता चालता पावले थांबतात म्हणतात 'विचारा' लेका पुढे बघ पाडशील ना दोघांना

ऋषिकेश बुधवार, 16/07/2008 14:07
ठिक वाटली. किंचीत लाबली आहे का? -('मिसळ'लेला) ऋषिकेश

स्वाती फडणीस बुधवार, 16/07/2008 14:39
किंचीत लाबली आहे का? मला नाही तसे वाटत.

स्वाती फडणीस बुधवार, 16/07/2008 18:10
कविता वाचणार्‍यांचे आणि वाचून प्रतिसाद देणार्‍याचे न देणार्‍या (न देण्या बद्दल)आभार :)

धनंजय बुधवार, 16/07/2008 22:51
ऋषिकेश यांची प्रतिक्रिया वाचली आणि थोडेसे लांबले आहे, हे पटले. पैकी :
चालता चालता पावले चाचपतात, विचार करतात, कि पडताळून पहातात.. "ध्येय आहे म्हणून.. ती चालतात, कि ती चालतात म्हणून.. ध्येय आहे?"
या भागातला आशय संदिग्धपणे (सुंदर संदिग्धपणे!) आदल्या "ती चालता आहेत, कि चालवली जात आहेत..." यातच आलेला आहे. हे इथे कॉपी-पेस्ट केलेले स्पष्टीकरणात्मक कडवे नसते तरी कवितेचा आशय गहन राहिला असता. बाकी आशय गहन आहे, आवडला, हे पुन्हा सांगणे नलगे.

स्वाती फडणीस बुधवार, 16/07/2008 23:21
ती चालता आहेत, कि चालवली जात आहेत..." आणि "ध्येय आहे म्हणून.. ती चालतात, कि ती चालतात म्हणून.. ध्येय आहे?" यां मधला आषय वेगवेगळा आहे. इथे पावलांना ती कठपुतली /चावीचे खेळणे असल्याचा भास होतोय तर "ध्येय आहे म्हणून.. ती चालतात, कि ती चालतात म्हणून.. ध्येय आहे?"

बेसनलाडू बुधवार, 16/07/2008 22:59
कविता आवडली. (वाचक)बेसनलाडू

केशवसुमार बुधवार, 16/07/2008 23:28
स्वातीताई, चालता चालता पावले थांबतात, अडखळतात, कि विचारी बनतात!!! वा.. क्या बात है.. बेलाशेठशी सहमत आशयगर्भ कविता अतिशय आवडली.. पुलेशु (अस्वादक)केशवसुमार आमचा नेहमी प्रमाणे दुसरा प्रतिसाद इथे वाचा

चतुरंग बुधवार, 16/07/2008 23:31
"ती चालताहेत की चालवली जात आहेत ह्याचा" ह्याच ओळीपर्यंत खरे कवितेच्या करंजीतले सारण, बाकी पुढचे कव्हर!:) चतुरंग

स्वाती फडणीस बुधवार, 16/07/2008 23:40
खरच पुढ्च्या ओळी कव्हर इतक्याच महत्वाच्या आहेत. सारणाला कव्हर नसेल तर करंजी किंवा मोदक बनतच नाही नाही का? असो माझ्यासाठी त्या पुढच्या ओळीही तितक्याच किबहुदा त्याहून महत्वाच्या आहेत .:)

चतुरंग बुधवार, 16/07/2008 23:44
दोन्ही महत्त्वाचे आहेच पण गाभ्याचा आशय कुठे जाणवला ते सांगितले - ह्याचा अर्थ कव्हर कमी दर्जाचे आहे असा अजिबात नाही! कृपया गैरसमज नसावा! चतुरंग