नाच रे सुब्रा, अँबेच्या व्हॅलीत
नाच रे सुब्रा नाच !
सेबीशि वेडा झुंजला रे
काळा काळा पैसा भिजला रे
आता तुझी पाळी, वीज पडे भाळी
वाचव सहारा नाच !
भरभर धाड पडली रे
रायांचि भरली शंभरी रे
पेपरात लिहू, जहिराती देऊ
करुन ठणाणा नाच !
नवनव्या योजना(स्कीम) काढूया रे
गुंतवणूकदारांस नाडूया रे
करोडोंच्या नोटांत, केस लढु कोर्टात
नवाबी लखनव्या नाच !
मिडीयाची गडबड थांबली रे
तुझि माझि जोडी जमली रे
जनपथी छान छान, श्वेत रंगी (हाय)कमांड
कमांडीखाली त्या नाच !
चु भू द्या घ्या
____________________
मूळ अजरामर गाणे:
नाच रे मोरा, अंब्याच्या बनात
नाच रे मोरा नाच !
ढगांशि वारा झुंजला रे
काळा काळा कापूस पिंजला रे
आता तुझी पाळी, वीज देते टाळी
फुलव पिसारा नाच !
झरझर धार झरली रे
झाडांचि भिजली इरली रे
पावसात न्हाऊ, काहितरि गाऊ
करुन पुकारा नाच !
थेंबथेंब तळ्यात नाचती रे
टपटप पानांत वाजती रे
पावसाच्या रेघांत, खेळ खेळु दोघांत
निळ्या सौंगड्या नाच !
पावसाचि रिमझिम थांबली रे
तुझि माझि जोडी जमली रे
आभाळात छान छान, सात रंगी कमान
कमानीखाली त्या नाच !
गीत - ग. दि. माडगूळकर
संगीत - पु. ल. देशपांडे
स्वर - आशा भोसले
चित्रपट - देवबाप्पा
प्रतिक्रिया
7 May 2013 - 1:31 pm | कुंदन
कमांडीखाली त्या नाच ;-)
7 May 2013 - 2:56 pm | पैसा
=)) =)) =))
=)) =))
=))
7 May 2013 - 3:45 pm | प्यारे१
मुखदुर्बळ बोलतात (लिहीतात) तेव्हा भारीच बोलतात.
7 May 2013 - 5:48 pm | स्पंदना
भारीच !!
7 May 2013 - 6:17 pm | श्रीरंग_जोशी
खरपूस व समयोचित विडंबन!!
7 May 2013 - 6:20 pm | बॅटमॅन
खर्पूस, फर्मास अन फक्कड इडंबण!!!! मस्त आवडल्या गेले आहे!
7 May 2013 - 7:28 pm | जेनी...
मज्जाच !!! =))
7 May 2013 - 11:08 pm | अत्रुप्त आत्मा
जनपथी छान छान, श्वेत रंगी (हाय)कमांड
कमांडीखाली त्या नाच ! >>> =)) __/\__ =))
8 May 2013 - 9:25 am | कंजूस
झकास
. मूळ गीत दिलेत हे फारच योग्य . छोटेसे इडंबन गाणे पाच पानी खरडीपेक्षा
भारी हाय .आपलं एरंडाचं गुऱ्हाळ असंच चालू ठिवा खुळुम खुळुम . रायांनी
क्रिकेटवीरांना दोन कोटिँचे बंगले अॅंबिवहैलीत दहा वर्षांपूर्वी फुकट दिले
होते (असेपण ते विकत घेऊ शकत होते) .सुयेशदादा ,भाई ठाकूर ,कलमाडी यांनी
वरपर्यंत प्रामाणिकपणे माल पोहोचवला पण हेचि फळ काय मम तपाला होऊन रडत बसले
.काळे मेघ पांगले नि भर उन्हात नाचायची पाळी आली .
8 May 2013 - 9:40 am | मूकवाचक
=))
8 May 2013 - 1:56 pm | मूखदूर्बळ
धन्यवाद :)
8 May 2013 - 8:44 pm | ढालगज भवानी
खतरनाक हसले!!! ;)
8 May 2013 - 9:55 pm | आजानुकर्ण
मस्त विडंबन. आर्थिक गैरव्यवहार करणारी सुब्रतो रॉय, किंगफिशर, चिट फंड चालवणाऱ्या वगैरे धेंडांना सामाजिक प्रतिष्ठा मिळू नये असे मनापासून वाटते. दुर्दैवाने तसे होत नाही.
11 May 2013 - 1:00 pm | मूखदूर्बळ
धन्यवाद परत एकदा :)