छत्रपती शिवरायांची माणसे - यावरील पहिल्या पुस्तकाचे प्रकाशन आणि वितरण

३२ पानांचे पुस्तक??? अहो त्यापेक्षा जरा थांबुन चांगली १००-१५० पाने तरी लिहुन झाल्यावरच प्रकाशीत करा ना. इतकी काय घाई आहे? मूळ उद्देश पैसे कमावणे हा नसून लोकांच्या-सुजाण वाचकांच्या मनात घर करण्यासाठी त्यांच्या घरात प्रवेश मिळविणे (पुस्तकाच्या रूपाने) असा आहे असे असेल तर इथेच एक लेखमाला लिहुन टाकाना! कशाला पाहिजे प्रकाशक आणि वितरक? सगळे चकटफू होऊन जाईल. आपला, बैलोबा.

सप्रेसाहेब, शिवचरित्र घराघरांत पोहोचावे असे मनापासुन वाटते. तुमच्या 'बाजी पासलकरां'च्या जीवनावरील पुस्तकाबाबत एक करता येईल. मिपाच्या पुस्तक विकत घेऊ इच्छिणाय्रा सदस्यांनी प्रकाशनापुर्वी नोंदणी करावी. मात्र मदत करू इच्छिणाय्रांनी फक्त एकाच पुस्तकासाठी नोंदणी करु नये. त्यांनी पाच किंवा पाचाच्या पटीत मागणी नोंदवावी. शाळकरी मुलांना बक्षिस, वाढदिवसाची भेट यासाठी या पुस्तकाचा उपयोग करावा. त्यामुळे त्यामुळे तुमचा प्रसाराचा हेतूही साध्य होईल. तसेच प्रकाशनपुर्व नोंदणीचा लाभ म्हणुन तुम्ही मिपाकरांना किंमतीत माफक सुटही ऑफर करू शकता. माझी १० पुस्तकांची मागणी नोंदवावी ही विनंती. काळा पहाड

सप्रे काका, 'छत्रपती शिवरायांची माणसे' हा विषय हटके आहे आणि इतिहासप्रेमींना सुद्धा असे पुस्तक वाचायला नक्की आवडेल. पण सगळ्या माणसांबद्दल माहिती एकाच पुस्तकात आली, साधारण ६००-७०० पानात तर पुस्तक अधिक प्रभावी राहिल. वाचकही अशा पुस्तकास पसंती देतील असे वाटते. मनस्वी "मृगजळाला पाहुन तुम्ही फसला नाहीत तर स्वतःच्या बुद्धीची तारिफ करु नका. हे मान्य करा की तुम्हाला तहान लागली नव्हती."

उदय साहेब, मला छत्रपती शिवरायांशी संबंधित सर्व वाचायला आवडेल. मी तुमच्याशी इ-पत्राद्वारे संपर्क करेनच बाकी सर्व गोष्टींसाठी !! स्वप्निल..

स्वप्निल साहेब, स्वागत आहे ! तुम्ही मला कधीही ई पत्र पाठवू शकता.खेरीज माझ्याशी थेट संपर्क पण करू शकता माझ्या भ्रमण्ध्वनीवर (संध्याकाळी ७ नंतर !) उदय सप्रेम

उदयराव, बाजी पासलकरांच्या १० प्रतींची माझीही नोंदणी करुन घ्या. :) (अवांतरः ह्यात बाजींच्या नंतर, यशवंताने काय केलं ह्याची माहिती आहे का हो? मला फार प्रश्न पडतो. कारण बाजींनंतर यशवंताचं नावही कुठे ऐकिवात नाही.) कान्होजी जेधेंच्या पुस्तकाची आतुरतेने वाट पाहतो आहे. आपला, - (थोरल्या आबासाहेबांचा मावळा) ध मा ल.

नमस्कार. आपल्या उपक्रमास अनेक शुभेच्छा ! प्रकाशकांचे अनेक अनुभव घेतलेल्या आणि त्यामुळे नारज झालेल्या कुणा एकाने 'फुटपाथ वरील प्रकाशन' असा उपक्रम चालू केल्याचे मध्ये वाचले. या अभिनव प्रयोगाची जाहिरात झालीच, शिवाय ती पुस्तके पटापट विकली गेली असेही त्या बातमीत वाचले होते. याच धर्तीवर पुण्यात एका रद्दीच्य दुकानापशी असा प्रकाशन सोहळा झाल्याचे नुकतेच वाचले. त्या पुस्तकाला सुद्धा लोकांनी चांगला प्रतिसाद दिला असे बातमीमध्ये होते. मोठ्या प्रकाशकांच्या नादी न लागता स्वतःच असे प्रकाशन करण्याचा या मंडळींचा प्रकार दिसतो. आपण उत्सूक असाल याचा शोध घ्यावा. यातील खर्च आणि इतर बाबींच्या तपशिलाची मला जाण नाही. वर्तमानपत्रात वाचले ते लक्षात होते म्हणून सुचवले. त्या बातमीचा दुवा मला मिळाला तर लगेच येथे देईन. बातमी बहुधा मटाच्या जालावरील आवृतीमध्ये होती. शुभेच्छा ! --लिखाळ.

उदयराव, आपण आपला भ्रमणध्वनी दिलाच आहे त्यावर मी सवडीने आपल्याशी संपर्क साधीन व यथाशक्ति मदतही करण्याचा प्रयत्न करीन. अर्थात, ती माझी व्यक्तिगत मदत असेल, मिसळपाव डॉट कॉम या संकेतस्थळाचा त्यात काहीच संबंध नसेल याची कृपया नोंद घ्यावी... तसेच आपला हा प्रस्ताव वाचून मिसळपाव डॉट कॉमच्या कुणाही सभासदाला अथवा वाचकाला आपल्या कार्यात हातभार लावायचा असेल तर तो/ती असा हातभार अवश्य लावू शकतात परंतु तो सर्व हातभार हा त्यांचा व्यक्तिगत असेल. मिसळपाव डॉट कॉम या संकेतस्थळाचा त्यात काहीही संबंध नसेल. कोणत्याही प्रकारच्या आर्थिक विषयात मिसळपाव डॉट कॉम हे संकेतस्थळ सहभागी होऊ इच्छित नाही याचीही कृपया सर्वांनी नोंद घ्यावी. असो, आपल्या उपक्रमास मनापासून शुभेच्छा! मी आपल्याशी संपर्क साधून व्यक्तिगतरित्या सर्व ती मदत यथाशक्ति करण्याचा प्रयत्न करीन... आपला, विसोबा खेचर, ऊर्फ जनरल डायर, ऊर्फ सरपंच, ऊर्फ तात्या अभ्यंकर, मालक, मिसळपाव डॉट कॉम.

तुम्ही इतिहास प्रेमी मंडळाला का नाही भेट्त? नाही तर कोणत्य्या तरि राजकिय पक्षाला भेटा