श्री गणराया
कृपावंत व्हावे श्री गणराया
भूलचूक माझी हृदयी धराया ॥धृ॥
चिंतामणी तू चिन्मय देवा
अनुतापी मी, तू करुणा ठेवा
व्दारी उभा मी नाम स्मराया ॥१॥
भवमोचक तव मंगलदृष्टी
अनुदिन लाभो तारक वृष्टी
हा भवबंध पार कराया ॥२॥
अनुष्ठान हे तव पुजनाशी
क्षणभंगुर मी, तू अविनाशी
साह्य होई मज अभय तराया ॥३॥
गंगाधर मुटे
.........................................................
सर्व मीपाकरांना श्री गणेश चतुर्थीच्या शुभेच्छा!
.........................................................
प्रतिक्रिया
12 Sep 2010 - 4:11 am | मीनल
कालनुरूप आहे कविता.
आजच्या दिवसाला अगदी अनुरूप.
15 Sep 2010 - 3:26 am | अथांग
गणपतीच्या रचना सुरेख!
11 Sep 2013 - 6:10 pm | गंगाधर मुटे
बाप्पा मोरया रे!