बुद्धीबळ नियमांचे भाषांतर - बुद्धीबळप्रेमींना एक आवाहन - प्रकल्प पूर्ण झाला.

च
चतुरंग यांनी
 ·  लेख
लेख
बद्दु ह्यांच्या बुद्धीबळाचे नियम (मराठीत) ह्या धाग्यावरुन एक कल्पना सुचली. मराठीत बुद्धीबळाचे नियम मला आंतरजालावर मिळाले नाहीत. एकट्याने भाषांतर करणे वेळखाऊ आहे. परंतु मिसळपावावरील बुद्धीबळप्रेमींनी त्यांचा थोडा थोडा वेळ देऊ केला तर हा भाषांतराचा उपक्रम आपण मिळून करु शकू. फिडेच्या नियमावलीचा दुवा - तिथे जाऊन जर त्यातला एकेक मुद्दा (किंवा उपलब्ध वेळानुसार अधिक मुद्दे) भाषांतरित करायचे ठरवले तर आठदहा मिपाकरांना हे सहज शक्य व्हावे. ज्यांना ह्यात सहभागी व्हायची इच्छा आहे त्यांनी ह्याच धाग्यावरती ते कोणते मुद्दे भाषांतरासाठी घेऊ शकतात ह्याचे क्रमांक द्यावेत म्हणजे पुढच्या लोकांना त्यांनी कोणते मुद्दे घ्यावेत हे समजायला सोयीचे जाईल. सगळे भाषांतरित नियम माझ्याकडे व्यक्तिगत निरोपाने ३१ जुलै पर्यंत पाठवावेत. नियमातले तांत्रिक शब्द तसेच ठेवले तरी चालतील. त्यावर मी संस्करण करेन. मी स्वतः सगळे संकलन करुन एक पुस्तिकाच पीडीएफ प्रकारात मिसळपावावर प्रसिद्ध करायची जबाबदारी घेतो. चतुरंग ------------------------------------------------- ता. क. ताजी स्थिती - मिसळपावकरांनी आवाहनाला अतिशय उत्तम प्रतिसाद दिला त्याबद्दल त्यांचे आभार! :) प्रस्तावना + १३ कलमे अशा सर्वांची ताजी स्थिती पुढीलप्रमाणे आहे. प्रस्तावना - श्रावण मोडक - भाषांतर पूर्ण कलम १ -निस्का - भाषांतर पूर्ण कलम २ -उदय - भाषांतर पूर्ण कलम ३ - बोका - भाषांतर पूर्ण कलम ४ - यशोधरा - भाषांतर पूर्ण कलम ५ - गणपा - भाषांतर पूर्ण कलम ६ - ज्ञानेश - भाषांतर पूर्ण कलम ७ - मराठे -भाषांतर पूर्ण कलम ८ - महेश हतोळकर कलम ९ - मिलिंद कलम १० - मस्तानी - भाषांतर पूर्ण कलम ११ - प्रभो - भाषांतर पूर्ण कलम १२ - निखिल देशपांडे -भाषंतर पूर्ण कलम १३ - बद्दु - भाषांतर पूर्ण कलम १४ - श्रावण मोडक - भाषांतर पूर्ण आता लवकरात लवकर भाषांतरे येऊदेत म्हणजे पुस्तिकेचा प्रकल्प मार्गी लागेल! :)
वर्गीकरण
24695 वाचन
💬 प्रतिसाद (63)

प्रतिक्रिया

चतुरंग
Wed, 07/14/2010 - 20:37 नवीन
----------------------------------- प्रास्ताविक/प्रस्तावना बुद्धीबळाच्या या नियमांमध्ये / विधींमध्ये एखाद्या सामन्यात निर्माण होणार्‍या प्रत्येक संभाव्य परिस्थितीवरचा तोडगा निघेलच, असे नाही; तसेच सर्वच्या सर्व प्रशासकीय मुद्यांचाही त्यातून निवाडा होईल, असेही नाही. एखाद्या परिस्थितीचे पूर्वानुभवानुसार नियमन होत नसल्यास या नियमावलीमध्ये / विधींमध्ये तिच्याशी साधर्म्य असणार्‍या ज्या परिस्थितीचा विमर्ष झालेला आहे तिचा अभ्यास करून उचित निर्णय घेता येऊ शकतो. निवाडा करणार्‍या पंचांमध्ये आवश्यक क्षमता, विवेक आणि निखळ निरपेक्षता असेल हे या नियमावलीसाठी / विधींसाठी गृहीत धरण्यात आले आहे. एखादा नियम अवास्तव तपशीलवार असेल तर त्यामुळे निवाडा करणार्‍या पंचाच्या निर्णयस्वातंत्र्याचाच संकोच होऊ शकतो आणि त्यामुळे न्याय्यबुद्धी, तर्ककठोरता आणि अन्य विशेष घटकांच्या आधारे एखाद्या प्रश्नावर तोडगा काढण्यास प्रतिबंध होऊ शकतो. या दृष्टिकोणाचा (की दृष्टिकोनाचा?) सर्व खेळाडू आणि महासंघांनी स्वीकार करावा, असे आवाहन फिडे करीत आहे. एखादा सदस्य महासंघ अधिक तपशीलवार नियम / विधी लागू करू शकतो, जर ते नियम / विधी : १. फिडेची ही अधिकृत नियमावली / या विधींमधील तरतुदींना बाधा आणत नसतील / तरतुदींच्या विरोधात जात नसतील, २. त्या-त्या संबंधित महासंघाच्या प्रदेशापुरते मर्यादित असतील, आणि ३. फिडेच्या कोणताही सामना, अजिंक्यपद स्पर्धा किंवा पात्रता स्पर्धा, किंवा फिडेचा कोणताही किताब किंवा मानांकन स्पर्धा यासाठी लागू नसतील. --------------------------------------- चतुरंग

चतुरंग
Sun, 08/01/2010 - 21:21 नवीन
२ जणांचे काम अजूनही बाकी आहे! ३१ जुलैची मुदत संपली. अजून दोन दिवस ग्रेस पीरिअड, नाहीतर भाषांतराचे काम दुसरीकडे सोपवावे लागेल. :) मी कलमांचा मसुदा एकत्र करायला सुरुवात केली आहे.
↩ प्रतिसाद: चतुरंग

प्रभो
Wed, 07/14/2010 - 20:40 नवीन
उत्तम उपक्रम.... आमचं इंग्रजी-मराठी भाषांतराचे ज्ञान दिव्य असल्याने किती जमेल ते माहीत नाही.... ;) तरी प्रयत्न करतो..

चतुरंग
Wed, 07/14/2010 - 20:49 नवीन
जमून जाईल आणि आपल्याकडे इंग्लिश जाणकारांची कमी नाही त्यांना विचारता येईल की अडले तर होय की नाही नंदन, धन्याशेठ आणि मुसुशेठ! ;) चतुरंग
↩ प्रतिसाद: प्रभो

मेघवेडा
Wed, 07/14/2010 - 20:46 नवीन
मला जमेल तेवढं नक्की करीन! उत्तम उपक्रम रंगाशेट! :)

चतुरंग
Wed, 07/14/2010 - 20:50 नवीन
जे सेक्शन करु शकाल त्याचे क्रमांक कृपया द्यावेत! चतुरंग
↩ प्रतिसाद: मेघवेडा

विसोबा खेचर
Wed, 07/14/2010 - 20:53 नवीन
मी स्वतः सगळे संकलन करुन एक पुस्तिकाच पीडीएफ प्रकारात मिसळपावावर प्रसिद्ध करायची जबाबदारी घेतो.
रंगा, ही कल्पना तुला सुचली आणि ती तू उचलून धरलीस याचे कौतुक वाटते. या मुळे मायमराठीत बुद्धिबळाच्या नियमावलीची एक सुंदर ई-पुस्तिका तयार होईल यात शंका नाही.. माझ्या अनेकानेक शुभेच्छा.. :) तात्या. -- "Life is a questions nobody can answer It… and the Death is an answer, nobody can question it.."

यशोधरा
Wed, 07/14/2010 - 20:54 नवीन
मलाही त्या भाषांतरात भाग घ्यायचाय, पण ते नियम लय ड्यांजर भाषेत लिवल्याती! तवा भ्या वाटतया! @)

चतुरंग
Wed, 07/14/2010 - 20:56 नवीन
यशोताई, आगेबढो हम तुम्हारे साथ है! सुरुवात कर गं जमेल. तुला बुद्धीबळ खेळायला थोडंच सांगतोय मी! खातंय मार आता रंगा. ;) चतुरंग
↩ प्रतिसाद: यशोधरा

यशोधरा
Wed, 07/14/2010 - 21:02 नवीन
>>तुला बुद्धीबळ खेळायला थोडंच सांगतोय मी! >> रंगादा, आपको हरनेसे डर लगताय ना? मेरे को मालूम! =)) आर्टीकल २ मी करेन. तेच सोपं वाटतय. :)
↩ प्रतिसाद: चतुरंग

उदय
Wed, 07/14/2010 - 20:55 नवीन
खेळाचे सर्वसाधारण नियमः भाग १: खेळाची पद्धत आणि उद्देश १.१ बुद्धीबळाचा खेळ २ प्रतिस्पर्ध्यामध्ये खेळला जातो ज्यात दोन्ही खेळाडू आळीपाळीने चाल करतात. यासाठी चौकोनी पट वापरला जातो ज्याला बुद्धीबळपट म्हणतात. पांढर्या सोंगट्यानी खेळणारा खेळाडू खेळाची सुरुवात करतो. खेळाडूकडे "चाल आहे" असे म्हटले जाते, जेव्हा त्याचा प्रतिस्पर्धी "चाल करतो". (पहा भाग ६.७)

उदय
Wed, 07/14/2010 - 21:14 नवीन
१.२ खेळाचे उद्दिष्ट असे आहे की खेळाडूने प्रतिस्पर्धी खेळाडूच्या राजाला असा "शह द्यायचा" की राजाला नियमानुसार कुठलीही चाल करता येऊ नये. जो खेळाडू हे उद्दिष्ट साध्य करतो त्याने प्रतिस्पर्धी खेळाडूच्या राजाला "शह-मात" केली आणि खेळ जिंकला असे म्हटले जाते. स्वतःच्या राजाला शह असताना प्रतिस्पर्धी खेळाडूच्या राजाला शह द्यायचा किंवा स्वतःच्या राजाने प्रतिस्पर्धी खेळाडूच्या राजाला शह द्यायचा हे नियमानुसार नाही. ज्या खेळाडूचा राजा "शह-मात" झाला, तो खेळाडू खेळ हरतो. १.३ जर खेळाची स्थिती अशी असेल की कुठल्याच खेळाडूला "शह-मात" करता येणार नसेल, तर तो खेळ अनिर्णित होतो.

चतुरंग
Wed, 07/14/2010 - 21:29 नवीन
उदय, तुमच्या सहभागाबद्दल धन्यवाद! :) एक सुचवणी - एकेका मुद्याचे भाषांतर दरवेळी धाग्यावर टाकण्यापेक्षा एकदम सगळे मुद्दे (जेवढे तुम्हाला करायचे आहेत) ते घेऊन व्यक्तिगत निरोपात संपूर्ण भाषांतर एकदम टाकलेत तर माझे संकलनाचे काम सुकर होईल. चतुरंग
↩ प्रतिसाद: उदय

उदय
Wed, 07/14/2010 - 21:43 नवीन
काही गडबड होऊन लिखाण गायब होऊ नये म्हणून जसे जमेल तसे लिहून टाकत आहे. नाहीतर सगळी मेहनत पाण्यात. तरी क्षमस्व. मला "अरे" म्हटलेले अधिक आवडेल. (IT मध्ये तसेच चालते.) :)
↩ प्रतिसाद: चतुरंग

उदय
Wed, 07/14/2010 - 21:34 नवीन
भाग २: बुद्धीबळपटावरील सोंगट्यांची प्रारंभिक स्थिती २.१ बुद्धीबळपट हा ८x८ आकाराच्या ६४ चौरसात असतो ज्यात चौरस आळीपाळीने फिकट ("पांढरे" चौरस) आणि गडद ("काळे" चौरस) असतात. बुद्धीबळपट अश्या पद्धतीने मांडला जातो, ज्यामुळे खेळाडूच्या उजव्या बाजूचा अखेरचा चौरस हा "पांढर्‍या" रंगाचा असेल. २.२ खेळाच्या सुरुवातीला एका खेळाडूकडे १६ फिकट रंगाच्या सोंगट्या ("पांढर्‍या" सोंगट्या) असतात आणि दुसर्‍या खेळाडूकडे १६ गडद रंगाच्या सोंगट्या ("काळ्या" सोंगट्या) असतात. ह्या सोंगट्या पुढीलप्रमाणे असतात. १ पांढरा राजा १ पांढरी राणी २ पांढरे हत्ती २ पांढरे उंट २ पांढरे घोडे ८ पांढरी प्यादी १ काळा राजा १ काळी राणी २ काळे हत्ती २ काळे उंट २ काळे घोडे ८ काळी प्यादी २.३ बुद्धीबळपटावरील सोंगट्यांची प्रारंभिक स्थिती पुढीलप्रमाणे असते. २.४ ?

यशोधरा
Wed, 07/14/2010 - 22:53 नवीन
आता मी वेगळे आर्टीकल घ्यावे का? नंबर २चा तर निकाल लागलाच!
↩ प्रतिसाद: चतुरंग

चतुरंग
Wed, 07/14/2010 - 22:53 नवीन
धाग्यावर खाली बघ कोणी काय काय घेतले आहे ते. चतुरंग
↩ प्रतिसाद: यशोधरा

यशोधरा
Wed, 07/14/2010 - 22:56 नवीन
मी ४ नंबरचं घेते. आता कोणी ढापलंत ना, तर.... >:P
↩ प्रतिसाद: चतुरंग

यशोधरा
Wed, 07/14/2010 - 23:13 नवीन
नक्कीच तुम्ही मॅनेजर असणार! :D :P
↩ प्रतिसाद: उदय

उदय
Mon, 07/19/2010 - 08:49 नवीन
नाही हो, मी कारकून आहे. खरा मॅनेजर चतुरंग आहे, त्याने बघा सगळ्यांना कसे बरोबर कामाला लावले. :)
↩ प्रतिसाद: यशोधरा

यशोधरा
Mon, 07/19/2010 - 08:53 नवीन
रंगादादा, तुमचा पण मॅनेजर आहे, हे मात्र खरं! :)
↩ प्रतिसाद: उदय

गणपा
गुरुवार, 07/15/2010 - 03:04 नवीन
द्येवा तेवडं राणी* च्या जागी वजीर करता आल तर पाह्य. मराठी बुद्धिबळाचा डाव असला म्हणजे राज्याच्या जोडीला वजीरच हवा. अस माझं मत आहें बाकी जनाधार काय म्हणतो? * समस्त स्त्रिवर्गा बद्दल नितांत आदर आहे. नायतर येत्यात संम्द्या साळकाया माळकाया हातात खेटर घिउन. ;)
↩ प्रतिसाद: उदय

भाऊ पाटील
गुरुवार, 07/15/2010 - 13:19 नवीन
लय भारी हो गणपाशेठ
↩ प्रतिसाद: गणपा

रेवती
Sat, 07/17/2010 - 19:31 नवीन
समस्त स्त्रिवर्गा बद्दल नितांत आदर आहे हां मग ठीक आहे. नाहीतर आम्ही एकेक भारी पदार्थांचा मारा करून तुला गारद करू. ;) रेवती
↩ प्रतिसाद: गणपा

उदय
Mon, 07/19/2010 - 08:53 नवीन
हो, वजीर हेच जास्त बरोबर वाटते. शब्दशः भाषांतर करताना घोळ झाला. चतुरंगला पाठवायच्या मसुद्यात वजीर असे लिहितो.
↩ प्रतिसाद: गणपा

गणपा
गुरुवार, 07/15/2010 - 03:05 नवीन
.
↩ प्रतिसाद: उदय

पिंगू
Wed, 07/14/2010 - 22:14 नवीन
रंगाशेठ आपल्या उपक्रमाचे स्वागत आहे.. सध्यातरी कामात व्यस्त असल्याने सहभागी होता येणार नाही.. ही खंत आहेच.. :( बाकी सर्व सहभागी मंडळींना शुभेच्छा... - (बुद्धीबळप्रेमी) पिंगू

गणपा
Wed, 07/14/2010 - 22:49 नवीन
कलम क्रमांक ५ आपल्या कडं लागल :)

प्रा.डॉ.दिलीप बिरुटे
Wed, 07/14/2010 - 22:59 नवीन
उपक्रमासाठी शुभेच्छा....! >>>मी स्वतः सगळे संकलन करुन एक पुस्तिकाच पीडीएफ प्रकारात मिसळपावावर प्रसिद्ध करायची जबाबदारी घेतो. व्वा..! पुस्तकाच्या प्रतिक्षेत....! -दिलीप बिरुटे [आळशी]

सहज
गुरुवार, 07/15/2010 - 13:23 नवीन
पुस्तकाच्या प्रतिक्षेत....! गणपाच्या सुचनेवर विचार व्हावा, राजा, वजीर, हत्ती, उंट, घोडा व प्यादे अश्याच नावाने बुद्धीबळाच्या सोंगट्या माहीत आहेत.
↩ प्रतिसाद: प्रा.डॉ.दिलीप बिरुटे

निखिल देशपांडे
Wed, 07/14/2010 - 23:13 नवीन
कलम १२ निखिल ================================ करा चर्चा दुज्यांच्या पातकांची, स्वतःला तेवढे गाळून बोला!!!!

मराठे
Wed, 07/14/2010 - 23:38 नवीन
७ कोणी घेतलं नसेल तर मी करतो.

महेश हतोळकर
Wed, 07/14/2010 - 23:42 नवीन
८व माझ्या कडे लागलं

मस्तानी
गुरुवार, 07/15/2010 - 00:17 नवीन
मी दहावा करण्याचा प्रयत्न करीत आहे ...

Manoj Katwe
गुरुवार, 07/15/2010 - 08:02 नवीन
http://www.saakava.com/Index.aspx ह्या संकेत स्थळाचा काय उपयोग होतो आहे के पहावे. इथे इंग्लिश to मराठी translator आहे. (जरा प्राथमिक आहे हे संकेत स्थळ ) उपक्रमासाठी शुभेच्छा....! आणि पुस्तकाच्या प्रतिक्षेत....! धन्यवाद.

ज्ञानेश...
गुरुवार, 07/15/2010 - 09:58 नवीन
मी घेतो रंगाशेट. इतर कलमांना वाली मिळाला नाही, तर तेसुद्धा दत्तक घ्यायची माझी तयारी आहे. मस्त आहे तुमचा उपक्रम ! =D>

मिलिंद
गुरुवार, 07/15/2010 - 10:52 नवीन
खरंतर मी तेरावं करणार होतो (तेराव्या कलमाचं भाषांतर -- बाकी काही ((नाहीतर विषयांतर व्हायचं मिपावर)) ) पण आता मला वाटतं फक्त ९ वं शिल्लक दिसतयं - तेच करावं असा विचार आहे

Dipankar
गुरुवार, 07/15/2010 - 11:47 नवीन
मी ही मदत करु शकेन या विकांतात प्रयत्न करतो

चतुरंग
Sat, 07/17/2010 - 19:16 नवीन
धाग्यात दर्शवल्याप्रमाणे ५ कलमांचे भाषांतर मला मिळाले आहे. उरलेले काम सदस्य पूर्ण करतील ह्याबद्दल शंका नाही. वाट बघतोय. सहकार्याबद्दल धन्यवाद! :) चतुरंग

jaypal
Sat, 07/17/2010 - 19:43 नवीन
हा निव्वळ वैचारीक खेळ असुन मारामारी केवळ पटावरील सोंगट्यांनी सोंगट्यांशीच करावी. एकमेकास शारिरीक इजा करु नये. Image removed. *************************************************** दुरितांचे तिमीर जावो/विश्व स्वधर्मसुर्ये पाहो/जो जें वांछील तो तें लाहो/प्राणिजात/

चतुरंग
Sat, 07/17/2010 - 19:49 नवीन
पुस्तिकेच्या शेवटी हा तुझा खास सचित्र संदेश देईन मी! एकदम आवडेश! B) (पटावरील बोका)चतुरंग
↩ प्रतिसाद: jaypal

श्रावण मोडक
Sat, 07/17/2010 - 21:46 नवीन
हा अशक्य माणूस आहे. कुठं काय आणून ठेवेल सांगता येत नाही. दंडवत मालक आपल्याला!
↩ प्रतिसाद: jaypal

मी-सौरभ
Mon, 07/19/2010 - 00:03 नवीन
----- सौरभ :)
↩ प्रतिसाद: jaypal