स्पर्शून तारकांना..

प — प्राजु,
स्पर्शून तारकांना गाई पहाट वारा कंपीत शब्द माझे आणि तुझा इशारा!!! गंधात नाहलेली, लाजून जात जाई घेई उगा मिटूनी, तो शुभ्रसा पिसारा झंकारले अशी की, काया सतार झाली तू छेडीले जरा अन, देहावरी शहारा आली भरात आता, भलतीच प्रेम वेला बेबंध श्वास माझे आणि तुझा उबारा.. स्पर्शात या तुझ्या रे, वर्षाव हा हिमाचा पेटून तप्त होई, माझ्या उरी निखारा दर्यास या मनीच्या, भलते उधाण आले आवेग सोसवेना, सांभाळ तोल सारा - प्राजु
4149 वाचन
💬 प्रतिसाद (24)

विसोबा खेचर
Fri, 04/23/2010 - 19:31 नवीन
दर्यास या मनीच्या, भलते उधाण आले आवेग सोसवेना, सांभाळ तोल सारा
वा प्राजू, जियो..! तात्या. Image removed.

मीनल
Fri, 04/23/2010 - 19:49 नवीन
रात्रीच्या तारकांना स्पर्शून होणारी पहाट, लाजून स्वत:ला मिटून घेणे, सतारीच्या झंकारीसारखा शहारा, भरात आलेला बेबंद श्वास, उधाण आलेले असताना जाणारा तोल हे सारे एकमेकांशी निगडित आहे. हिमाचा वर्षाव आणि उरीचा निखारा हेही आवडले. परस्पर विरूध्द तरी ही इथे मात्र पूरक आहेत. क्लासिक रोमांस! :X मीनल. http://myurmee.blogspot.com/

बेसनलाडू
Mon, 04/26/2010 - 00:00 नवीन
कविता आवडली. (प्रणयप्रेमी)बेसनलाडू
↩ प्रतिसाद: मीनल

स्वाती दिनेश
Fri, 04/23/2010 - 19:52 नवीन
प्राजु, कविता आवडली. स्वाती

दिपाली पाटिल
Fri, 04/23/2010 - 20:35 नवीन
कविता छान वाटली... दिपाली :)

३_१४ विक्षिप्त अदिती
Fri, 04/23/2010 - 20:49 नवीन
आणखी एक सुंदर कविता प्राजु! आता अगदी रहावत नाही आहे म्हणूनः कविता वाचून विडंबन करावं असं वाटलं, पण हाय दारू सोडून दुसरा विषय सुचतच नाही आहे. अदिती

मदनबाण
Fri, 04/23/2010 - 20:58 नवीन
सुंदर... :) मदनबाण..... There is no need for temples, no need for complicated philosophies. My brain and my heart are my temples; my philosophy is kindness. Dalai Lama

स्पंदना
Fri, 04/23/2010 - 22:41 नवीन
अतिशय सुन्दर!! शब्दांना नसते दुखः; शब्दांना सुखही नसते, ते वाहतात जे ओझे; ते तुमचे माझे असते.

अरुंधती
Sat, 04/24/2010 - 02:24 नवीन
सर्वच काव्य खूप सुंदर, नादमधुर व उत्कट! :-) मस्त! अरुंधती http://iravatik.blogspot.com/

डावखुरा
Sat, 04/24/2010 - 02:34 नवीन
निशःब्द...... (गालावरुन कधी मोरपीस फिरवले आहे का? अगदी तोच अनुभव आला...) "राजे!"

राजेश घासकडवी
Sat, 04/24/2010 - 02:36 नवीन
एक धुंदी छान उतरली आहे सहजशब्दात... वर्षाव हिमाचा उष्ण कटिबंधी रूपकांमध्ये बसत नाही असं वाटलं.

चित्रा
Sat, 04/24/2010 - 17:38 नवीन
कवितेचे गाण्यात रूपांतर होऊ शकेल असे वाटते.

जयवी
Sat, 04/24/2010 - 17:44 नवीन
प्राजु........फार गोड कविता :)

मनीषा
Sun, 04/25/2010 - 09:12 नवीन
झंकारले अशी की, काया सतार झाली तू छेडीले जरा अन, देहावरी शहारा सर्वच कल्पना आणि शब्दरचना सुरेख आहेत . अतिशय सुंदर कविता

अविनाशकुलकर्णी
Sun, 04/25/2010 - 15:54 नवीन
कविता आवडली.

अम्रुताविश्वेश
Mon, 04/26/2010 - 08:44 नवीन
खूपच सूरेख :) :X

निरन्जन वहालेकर
Mon, 04/26/2010 - 10:17 नवीन
अतिशय सुरेख कविता ! खूप खूप आवडली ! ! आतापर्यंत मिपा वर तुमच्या बहारदार कविता वाचल्यात आता नवीन अल्बम ची सी डी एकण्यांत कधी येते याची उत्सुकता आहे नवीन सीडी व कविता प्रकाशनासाठी अभिनंदन व हार्दिक शुभेच्छा ! ! !

फ्रॅक्चर बंड्या
Mon, 04/26/2010 - 15:45 नवीन
दर्यास या मनीच्या, भलते उधाण आले आवेग सोसवेना, सांभाळ तोल सारा फारच छान binarybandya™

चतुरंग
Tue, 04/27/2010 - 01:22 नवीन
छान कल्पना आहेत. आमची पेश्शल प्रतिक्रिया इथेही वाचता येईल! ;) चतुरंग