बीबीसी आणि इतर वृत्तसंस्थांनी दिलेल्या वृत्तानुसार भारतीय जेनेरीक औषधकंपनी रॅनबॅक्सीला ५०० मिलियन डॉलर्सचा दंड झाला आहे. http://www.bbc.co.uk/news/world-asia-india-22520953 हा आजवर कोणत्याही जेनेरीक कंपनीला झालेल्या दंडामध्ये सर्वात जास्त आहे. रॅनबॅक्सीला अनुचित पद्धतीने उत्पादन आणि साठा आणि तिच्या भारतातील दोन फॅक्टरँमध्ये केलेल्या चाचण्यांविषयी खोटी माहिती दिल्याबद्दल हा दंड झालेला आहे. रॅनबॅक्सीने अशुद्ध औषधं विकल्याचा अपराध मान्य केला आहे. तरी त्यांच्या आर्थिक स्थितीवर याचा फार बोजा पडणार नाही अशी माहिती दिली आहे. तरीसुद्धा या दंडाखेरीज आणखी ५०० मिलियन डॉलर्स भविष्यातील सिव्हिल/ क्रिमिनल दंडासाठी कंपनी बाजूला काढून ठेवत आहे. हा धागा काढण्याचे कारण की काही दिवसांपूर्वी इथे ग्लीव्हेक्/नोव्हार्टिसच्या निमित्ताने एक्सक्लूजिव्ह/ जेनेरीक औषधे, भारतीय/ विदेशी कंपन्या, न्यायप्रणाली वगैरे गोष्टींवर आपण चर्चा केली होती. त्याच विषयाचा हा एक निराळा पैलू....