साहित्यः ओट्स २ वाट्या पिस्ता, बदाम, खारीक, आक्रोड, शेंगदाणे यांचे जाडसर कूट १ वाटी वेलची पूड १/४ चहाचा चमचा चिरलेला गूळ २ वाट्या पाणी २ चहाचे चमचे साजुक तूप १ चहाचा चमचा पिस्ता बदाम काप सजावटीसाठी कृति १ तव्यावर मंद आचेवर ओट्स हलके भाजुन, एका भांड्यात काढ्न घ्यावे. २ पिस्ता, बदाम, खारीक, आक्रोड व शेंगदाणे यांचे जाड्सर कूट ओट्समध्ये मिसळावे. ३ वेलची पूड वरील मिश्रणात मिसळुन घ्यावी. ४ पॅनमध्ये गूळ, पाणी व तूप एकत्र करुन मध्यम आचेवर ठेवावा व सतत ढवळत राहावे. ५ गूळ विरघळून उकळी येऊ लागल्यावर आंच कमी करुन एक दोन मिनिटे ढवळत राहावे. ६ गॅसवरील पॅन खाली उतरवून त्यात तयार केलेले ओट्स चे मिश्रण घालावे व ते दोन मिनिटे ढवळावे. ७ घट्टसर गोळा झाल्यावर तूप लावलेल्या ट्रे मध्ये मिश्रण थापावे. ८ सजावटीसाठी वर पिस्ता-बदाम काप लावावेत. ९ मिश्रणाचा गरम पणा थोडा कमी झाल्यावर वड्या आखुन घ्याव्यात. १० मिश्रण पूर्णपणे थंड झाल्यावर वड्या पाडाव्यात. (दिलेल्या प्रमाणात साहित्य घेतल्यास फोटोतील आकाराच्या २० वड्या होतात)