खेकडा भजी: या भजांच्या वेड्यावाकड्या आकारामुळे याला खेकडा भजी म्हणत असावेत . जितका सोपा तितकाच लाजवाब प्रकार सहज बनवता येइल असा ;) एखाद्या सुट्टीच्या दिवशी संध्याकाळी वाफाळत्या चहाबरोबर जर गरमागरम कुरकुरी भजी असतील तर ...... " शाम बन जायेगी " ;) चला मग लागा तयारीला , साहित्य : ३ कांदे उभे पातळ चिरलेले , ओवा १ छोटा चमचा ,जीर एक छोटा चमचा , लाल तिखट १ चमचा ( तुम्हाला झेपेल तेव्हढ ), मीठ चवीनुसार ,बारीक चिरलेली कोथिंबीर ,अर्धा चमचा धणेपूड ,खाण्याचा सोडा चुटकी भर , बेसन कृती : एका पातेल्यात कांदा ,मीठ ,लाल तिखट घेऊन छान मिक्स करून घ्या , ह्या मिश्रणात पाणी अजिबात वापरायच नाही मिश्रण १०-१५ मिनिट झाकून ठेवा . मिठामुळ कांद्याला पाणी सुटेल ,त्यातच मावेल तितक बेसन घालून ही भजी बनवायची म्हणूनच बेसनाच प्रमाण दिलेलं नाही. मिश्रण थोड ओलसर झाल की त्यात बेसन ,ओवा ,कोथिंबीर ,जीर धणेपूड अन खाता सोडा घालून पुन्हा एकवार छान मिक्स करून घ्या .जेव्हढ मिश्रण घट्ट तेव्हढी भजी कुरकुरीत बनतील भजी गरम तेलात डीप फ्राय करून घ्या डार्क लालसर होईपर्यंत ,गरम गरम असतानाच सॉस ,तळलेल्या मिरच्या बरोबर सर्व करा