'कॉकटेल लाउंज' मालिकेतील आजचे कॉकटेल हे गटारी स्पेशल देसी धमाका कॉकटेल  आहे, ह्याचे नाव आहे झणझणीत मरीआई ( ब्लडी मेरी ला आपले देशी उत्तर ;) ) पार्श्वभूमी: 1. मागे एका प्रतिसादात कोणितरी विचारले होते झणझणीत कॉकटेल असते का? 2. शाहीर यांनी गटारी स्पेशल कॉकटेल टाका अशी खरड टाकली होती. माग ह्या दोन्ही गोष्टींचा एकत्र डबल धमाका करावा असा विचार केला. सर्वांना करता येइल असे सोपे आणि झणझणीत असे कॉकटेल टाकावे म्हणजे गटारीला पुण्य पदरात पडेल, हा स्वार्थ आहे ह्या 'गटारी स्पेशल देशी झणझणीत धमाका' कॉकटेल मागे आहे.  तरी सर्वांनी हे गटारीला ट्राय करावे ही विनंती. मी आज पहिल्यांदाच ह्या कॉकटेलचा एक्स्पेरीमेंट करून बघितला, 100% हिट आहे. गटारीच्या शुभेच्छा! प्रकार: वोडका बेस्ड, कंटेम्प्ररी कॉकटेल, देशी धमाका साहित्य:

वोडका	2 औस (60 मिली)
टोमॅटो	1/2 बिया काढलेले
हिरवी मिरची	1 लहान (आपापल्या मगदुराप्रमाणे घ्यावे हे प्रमाण)
कांदा	¼ सोललेला
ऑरेंज ज्युस	3 औस (90 मिली)
लिंबाचा रस	10 मिली
मीठ	चिमूटभर
बर्फ	एक वाडगे भरुन
पुदीना	1-2 पाने (सजावटी करीता)
हिरवी मिरची	1 (सजावटी करीता)
ग्लास	ओल्ड फॅशन

कृती: सर्व साहित्य ब्लेन्डर मधे टाकुन (बर्फासहित) व्यवस्थित ब्लेन्ड करुन घ्या. 3-4 मिनिटे ब्लेन्ड केल्यावर आणि ब्लेन्डरला बाहेरुन पाण्याचे थेंब आले की कॉकटेल तयार झाले असे समजावे. आता हे ब्लेंड झालेले मिश्रण ओल्ड फॅशन ग्लास मधे गाळून घ्या. पुदीना आणि हिरवी मिरची सजावटीसाठी ग्लासमधे टाका. देसी धमाका 'झणझणीत मरीआई' तयार :) सदर क़ॉकटेलची कल्पना 'द टल्लीहो बुक ऑफ क़ॉकटेल्स' वरून साभार