एक विचार - बँकेत खाते उघडायला जशी ओळख लागते तशी ओळख यापुढे एखाद्या व्यक्तिला मिपावर नवीन सभसदात्व देतांना आवश्यक ठेवावी किंवा कसे यावर विचार सुरू आहे! जर हा विचार अंमलात आणायचा झाल्यास तो कश्या तर्‍हेने आणावा, कार्यपद्धती काय असावी यावरही विचार सुरू आहे! यामुळे कदाचित मिपावर नवनवीन सभासद होण्याची जी गती आहे, ती कमी होईल. परंतु मिपाने सभासदांची भारंभार खोगीरभरती करण्यापेक्षा ज्यांना खरोखरच 'मराठी आंतरजाल आणि त्याची प्रगती' या विषयात रस आहे, काही चांगलंचुंगलं ललित, वैचारिक लिहिण्यावचण्यात रस आहे, मिपाच्या कलादालन, रसोई अश्या दालनात रस आहे, अश्यांनाच केवळ मिपाचे सभासदत्व द्यावे असाही एक विचार मनात घोळतो आहे..! सभासदसंख्या अधिक आहे किंवा कमी आहे, या मुद्दा मिपाच्या दृष्टीने गौण आहे! या विचाराचे चांगले (!) साईड इफेक्टस् - अवचित आणि अनोळखी खरडी आणि व्य निं ना निश्चितच आळा बसेल..! :) हा विचार लिहितेवेळीचा शेवटचा सभासद - सुजित निकम! आता हा विचार वाचून काही मिपाद्वेष्टे साप बिळातनं बाहेर येतील आणि या विचाराचा अंमल लागू व्हायच्या आतच भराभ्भर मिपाचे मेम्बर बनतील.. यांच्या वाटचालीकडे आमचे बारीक लक्ष असेल. सभासदत्व घेऊन अवघे २४ तासही झालेले नसतांना बर्‍याच सभासदांना मिपाचा सारा इतिहास ठाऊक असतो असे निदर्शनास आले आहे! :) सच्च्या मिपाकरांनीही नवीन सभासदांच्या लेखन-वाटचालीकडे लक्ष ठेवावे ही विनंती..! असो.. सहज काही विचार मनात आले ते इथे खरडले! बाकी चालू द्या...! :) आपला, (पक्क्या गुरुचा चेला नव्हे, तर स्वत:च पक्का गुरू असलेला!) तात्या. :) -- मिपाच्या धोरणांविषयींच्या कुठल्याही घोषणांचे पडसाद अन्य काही परप्रकाशी संस्थळांवर आणि ब्लॉग्जवर उमटतातच! तेव्हा त्याचे काही विशेष नाही! ;)