सांग मला रे सांग मला व्हीस्की आणखी रम यातुनी, कोण आवडे अधिक तुला? व्हीस्की दिसते गोजिरवाणी, थोडा सोडा थोडे पाणी बर्फ टाकूनी मजेत प्यावी, ग्लास भिडवूनी ग्लासाला व्हीस्की आवडे अधिक मला ! गोजिरवाणी दिसते व्हीस्की, परंतु असते भलती रिस्की सकाळ होता डोके चढते, जाउ न देई कामाला ! आवडते रे रम मला ! काळी, सावळी असते रम, थंडीमध्ये करी गरम कोल्यामध्ये मिसळूनी घेता, कळे न काही कोणाला रम आवडे अधिक मला! थंडीमध्ये करी गरम, नशेत नसतो काही दम व्हीस्की पिता विमान उडते, सुसाट जाई आभाळा व्हीस्की आवडे अधिक मला ! व्हीस्की पिता भान न उरते, भेदभावना सारी सरते व्हीस्की पिउनी मालक करतो, सलाम रात्री गुरख्याला व्हीस्की आवडे अधिक मला ! 'तशी'च घेता रात्री भाई, थंडी वारा लागत नाही सुखे बायको झोपे म्हणूनी, पुण्य लाभते पाप्याला ! रम आवडे अधिक मला ! नकोच रम, नकोच व्हीस्की, मदिरेहूनही विवाद रीस्की थंडगार चल बियर पिऊ, काठोकाठ भरू प्याला! बियर बरी तब्येतीला! -अविनाश ओगले