साहित्य: १ कप कैरीचा कीस दीड कप साखर (कैरीच्या आबंटपणानुसार कमी-जास्त ठरवावे) १ टेस्पून लाल तिखट (आवडीप्रमाणे कमी-जास्त) १ टीस्पून भरडसर जीरेपूड १/२ टीस्पून हळद मीठ चवीनुसार १ टेस्पून पाणी पाकृ: एका मायक्रोव्हेव सेफ बाऊलमध्ये कैरीचा कीस, मीठ व हळद एकत्र करुन १० मिनिटे बाजूला ठेवावे. आता त्यात साखर व १ टेस्पून पाणी घालून सगळं एकत्र करावे व ५ मिनिटे बाजूला ठेवावे. मायक्रोव्हेव मध्ये बाऊल ठेवून हाय पॉवर वर ३ मिनिटे शिजवावे. बाऊल बाहेर काढून मिश्रण गार होऊ द्यावे. मिश्रण थोडे चिकट व एकतारी असले पाहिजे. पूर्ण गार झाले की त्यात लाल तिखट व जीरेपूड घालावे व मिक्स करावे. काचेच्या बर्णीत भरावे. हा छुंदा तुम्ही चपाती, थेपले, पराठे व रोटीबरोबर खाऊ शकता.