साहित्य- बेसन पिठ एक वाटी, हि. मिरच्या पाच-सहा, कोथिंबीर, फोडणीचे साहित्य, मिठ.कांदा एक बारीक चिरुन, जिरे - लसुण पाच सहा पाकळ्या- खोबरे एक छोटा तुकडा.थोडे लाल तिखट. कॄती - जिरे - लसुण पाच सहा पाकळ्या- खोबरे एक छोटा तुकडा व मिरची हे सर्व मिक्सरमधुन वाटून घ्यावे. खमंग फोडणी करावी.त्यावर वरील वाटण परतुन घ्यावे, कांदा परतावा, आता त्यात दोन वाट्या पाणी घालावे, चवीनुसार मिठ घालावे, कोथिंबीर बारीक चिरुन घालावी. चांगले उकळू द्यावे, तोपर्यंत बेसन पिठ कालवुन घ्यावे, त्यात थोडे लाल तिखट घालावेवगुठळी होवु देवु नये, हे कालवलेले पिठ आधणात घालावे, चांगले ढवळावे , चट चट आवाज येवु लागला की झाले असे समजावे, गरम गरम पिठले, त्यात साजुक तुप घालून भाकरी अथवा पोळीबरोबर (चपाती) खावे, जोडिला कच्चा कांदा घ्यावा, लसूण चटणी असेल तर झकासच.(मिरच्या आपल्याला हव्या असतिल तेवढ्याच घ्याव्यात.)