महाराष्ट्र नवनिर्माण सेनेचे खडकवासल्याचे आमदार आणि 'गोल्डमॅन' म्हणून राज्यभरात सुपरिचित असलेले रमेश वांजळे यांचे शुक्रवारी रात्री हृदयविकाराच्या तीव्र झटक्याने निधन झाले. ते ४४ वर्षांचे होते. त्यांच्या मागे पत्नी हर्षदा, मुलगा, आई-वडील असा परिवार आहे. गेल्या तीन दिवसांपासून वांजळे यांना उच्च रक्तदाबाचा त्रास होत होता. त्यांच्या विविध वैद्यकीय तपासण्याही करण्यात आल्या. त्यानंतर शुक्रवारी सायंकाळी कमला नेहरू उद्यान परिसरातील जोशी हॉस्पिटलमध्ये त्यांची 'एमआरआय' चाचणी करण्यात आली. ही चाचणी करण्यापूर्वी वांजळे यांना अस्वस्थ वाटत होते. त्यामुळे, तेथील डॉक्टरांनी ही चाचणी उद्या करण्याचा सल्ला त्यांना दिला. मात्र, त्यांनी ही चाचणी तातडीने करण्याची आग्रही विनंती केली. ही चाचणी सुरू असतानाच, त्यांना हृदयविकाराचा तीव्र झटका आला. [बातमी: मटा] रमेश वांजळे यांना विनम्र श्रध्दांजली!

11 Jun 2011

एवढा पहाडा सारखा माणूस, पण ह्रदयविकाराच्या झटक्याने गेला राव! खरच हा झटका एवढा भयानक असतो? पार विकेट घेणारा?