नमस्कार मंडळी... आज माझ्या आयुष्यातली पहीली परदेश वारी केली.. काही नाही हो, जरा भूटानला जाऊन परत आलो. (आसाममध्ये असल्याने ही मौज परवडते.) जेवढा पाहीला (फक्त दोन-तीन तास) तेवढ्यात हा भाग आवडला. तर तिथे एका हॉटेलमध्ये गेलो असतांना तिथल्या बाथरुममधे गेलो. तिथे आत भिंतीवर एका छोट्याच्या लॅमिनेटेड पानावर "एच.आय.व्ही आणि एड्स"ची माहीती दिलेली होती. त्याच्याच खाली एका छोट्या बॉक्समध्ये लोकांकरीता "कंडोम्स" ठेवलेले होते. हे बघितल्यावर माझ्या मनात काही विचार आणि प्रश्न आले, ते आपल्यासमोर मांडावेसे वाटतात. १) ह्या छोटाश्या देशात, जो आता कुठे जागतिक पातळीवर येऊ लागलाय, त्यांच्या सामाजिक आणि राष्ट्रीय आरोग्य प्रश्नाबद्दल जी जागरुकता आहे, ती आपल्यात आहे का? २) आपण एड्ससारख्या आरोग्यविषयक राष्ट्रीय प्रश्नावर, सांस्कृतिक सरमिसळ न करता, त्याला "टॅबू" न मानता प्रॅक्टीकली चर्चा, विचारविनिमय करु शकतो का? इच्छितो का? ३) भूटाननी ह्या समस्येचा प्रचार करण्यासाठी आणि प्रसार थोपवण्यासाठी जे साधे पाऊल उचलले, ते आपण उचलू का? आणि उचलले तर ते किती प्रभावशाली ठरेल? मिपावरील विचारवंतांच्या प्रतिक्रीयांच्या प्रतिक्षेत....