नमस्कार, हा खरे तर कौल टाकणार होतो, परंतु कौल टाकताना कौलाची पार्श्वभूमी लिहिण्यास जागा नसते. म्हणून हा काथ्याकूट टाकत आहे.. असो.. तर हा काथ्याकूट कम कौल असा - (केवळ पुरुषांकरता) तुम्ही फेसबुकवर वावरताना नावाने/नाव शोधून विविध स्त्रिया/मुलींच्या प्रोफाईलमध्ये जाऊन त्यांचे फोटो आवडीने (चवीचवीने) पाहता का? खरे खरे उत्तर द्या.. १) पाहता का? २) पाहता तर का पाहता? ३) असे ओळखीच्या स्त्रियांचे, खास करून अनोळखी स्त्रियांचे फोटो पाहणे/न्याहाळणे, हे गैर आहे असे तुम्हाला वाटते का? माझी उत्तरे - १) हो. हल्ली फावला वेळ फार कमी मिळतो. परंतु असा वेळ मिळाल्यास असे फोटो अगदी आवडीने व शोधून शोधून पाहतो.. २) सुंदर स्त्रियांचे फोटो पाहायला आवडतात. मी सौंदर्योपासक आहे. ३) नाही वाटत. एक तर ते फोटो त्या स्त्रियांनी इतरांनी पाहावे म्हणूनच टाकलेले असतात म्हणून पाहतो. अर्थात, असे फोटो टाकणे हेच मुळात गैर आहे असे मी त्या सार्‍या ओळखीच्या/अनोळखी स्त्रियांना सांगू इच्छितो.. माझ्यासारखे नुसते नेत्रसूख घेणारे काही सौंदर्योपासक रसिक असतातही, परंतु त्या फोटोंचा दुरुपयोग करणारे/गैरफायदा घेणारेही असू शकतात../किंबहुना अधिक असतात..! असो... गंमतीगंमतीत म्हणून हा धागा टाकायला गेलो आणि अचानक या विषयातल्या गांभिर्याकडे वळलो..! असो.. या धाग्यावर मी विचारलेल्या प्रश्नांच्या उत्तरांसोबतच काही साधकबाधक चर्चा व्हावी असे वाटते.. आपला, (सौंदर्योपासक) तात्या.