कालवाचे सुक्याचे साहित्य : कालव १ ते दोन वाटे १ मोठा कांदा ७-८ लसुण पाकळ्या ठेचुन हिंग, हळ्द मसाला १ ते २ चमचे चविपुरते मिठ १टोमॅटो किंवा ३-४ कोकम थोडी कोथिंबीर चिरुन तेल कालवांच्या सुक्याची पाककृती: प्रथम कालव साफ करायची. कालवांमध्ये दगडी कच असतात ते कालव हातात घेतली की हाताला लागतात. ते काढायचे. कालव धुवायची आणि कढईत तेलावर लसणाची फोडणी देऊन त्यावर कांदा गुलाबी रंगावर तळावा. आता त्यावर हिंग, हळद, मसाला घालून कालव घालावी वाफेवर थोडावेळ शिजु द्यावी. पाणी घालू नका कारण कालवांना पाणी सुटत. ५ ते ७ मिनीटांनी त्यात चिरलेला टोमॅटो किंवा कोकम घाला व मिठ घाला. जरा परतुन कोथिंबीर घाला थोडावेळ वाफेवर ठेउन गॅस बंद करा. कालवांचे सुके : कालवांच्या वड्यांचे साहित्य कालव १ वाटा १ कांदा बारीक चिरुन बेसन १ छोटी वाटी २ चमचे तांदळाचे पिठ आल लसूण पेस्ट १ चमचा थोडा गरम मसाला मसाला १ चमचा हिंग, हळद थोडी कोथिंबीर चिरुन चविपुरते मिठ तेल कालवांच्या वड्यांची पाककृती : कालवांच्या वड्यांचे दिलेले वरील तेल सोडून सर्व साहित्य कालवांसकट एकत्र करा थालीपिठाप्रमाणे घट्ट पिठ मळा जर कालव टाकुन पातळ होत असेल तर त्यात अजुन बेसन घाला. आणि चांगल मळून छोट्या छोट्या वड्या तव्यावर शॅलोफ्राय करा. अधिक टिपा: कालव समुद्राच्या खडपातील दगडाला चिकटलेल्या कवचीत असतात. कोयत्याने टोचून कवचीचे आवरण फोडून आतील कालव काढतात. त्यामुळे त्याला चिकटलेली कच राहते. म्हणून कालव व्यवस्थित साफ करावित. एकादा कच राहीला तर दाताखाली येतो. कालवांचे कालवणही करतात पण त्यापेक्शा वड्या किंवा सुकेच चांगले लागते. कालव मोठ्या आकाराचीही येतात. ती कापुन घ्यावी लागतात.