परवा सहज जुनी वही चाळत होते. त्यात ही मसुर चिकन सापडली. दुकानात धानसाक मसालाही मिळाला. तेव्हा रविवारी यशस्वी प्रयोग केला. साहित्यः ३/४ कप मसूर; अर्धा तास पाण्यात भिजवुन, निवडुन घ्यावेत. २ स्कीन लेस बोन-इन चिकन ब्रेस्ट, लहान तुकडे करुन ३ कांदे, बारीक चिरुन २ टोमॅटो, बारीक चिरुन २ डहाळ्या कढिपत्ता मुठभर कोथिंबिर १/२ इंच आल्याचा तुकडा ४-५ लसूण पाकळ्या, सोलून १ टी स्पून हळद १ १/२ टी स्पून तिखट २ टी स्पून धानसाक मसाला १/२ चमचा गरम मसाला १ टे. स्पून तेल मीठ चविप्रमाणे कृती आलं,लसूण, कोथिंबिर एकत्र वाटुन पेस्ट करुन घ्यावी. चिकनच्या तुकड्यांना ही पेस्ट लाऊन मुरवत ठेवावे. प्रेशर पॅनमधे तेल तापत ठेवावे. तेल तापले की त्यात बारीक चिरलेला कांदा टाकून परतावे. कांदा गुलाबी झाला की टोमॅटो आणि कढीपत्ता घालून ४-५ मिनिटे परतावे. गरज वाटल्यास थोडे पाणी घालावे म्हणजे खाली लागणार नाही. हळ्द, तिखट, गरम मसाला, धानसाक मसाला, मसूर घालून परतावे. गरम पाणी घालुन प्रेशर पॅनचे झाकण लावून मसूर शिजवून घ्यावेत. मसुर शिजले की त्यात मुरवत ठेवलेले चिकन मुरवण्यासह घालावे. ज्या प्रमाणात रस्सा हवा त्या प्रमाणत पाणी घालुन उकळी आणावी. चिकन शिजले की चवीप्रमाणे मीठ घालावे.