सय

चक्कर_बंडा's picture
चक्कर_बंडा in जे न देखे रवी...
21 Nov 2022 - 8:37 pm

दसरा आणि दिवाळी
दोन सणांच्या मागोमाग
बहुदा केव्हातरी ती गेली
नक्की कधी ते माहीत नाही

पण लक्ष्मीपूजनाला दुपारी
हटकून तिची सय येते....
सूर्य अस्ताला जाईपावेतो
सबंध घरभर दाटून राहते

स्वतःपेक्षा अनेकपट वजन
वाहून नेणाऱ्या मुंगीसारखं
स्वतःला खेचून बाहेर आणताना
पापण्यांमध्ये आपसूक ओल येते

नकळतपणे पाझरणारे डोळे
संध्याकाळी रोषणाईच्या तेजाने
"दिपले" म्हणून इतरांपासून
लपवण मग तसं सोपंच जातं...

असताना कधीचं जाणवू ही न देता
माझ्या मार्गातील काटे वेचणारी ती
तिच्यामाघारी तिच्या आठवणीही
अबोल काळजी वाहताहेत माझी

#चक्कर_बंडा

अव्यक्तकवितामुक्तक

प्रतिक्रिया

कर्नलतपस्वी's picture

21 Nov 2022 - 10:11 pm | कर्नलतपस्वी

तु गेल्यावर फिके चांदणे,
घर परसूनी सुने सुके,
मुले मांजरा परि मुकी
अन दर दोघांचा मध्ये धुके,
तु गेल्यावर..

तू गेल्यावर या वाटे ने
चिमणी देखील नच फिरके
कसे अचानक झाले नकळे
अवघे जग परके परके,

तु गेल्यावर.
बाकीबाब

कवीता आवडली.

प्राची अश्विनी's picture

22 Nov 2022 - 9:37 am | प्राची अश्विनी

कविता नि:शब्द करून गेली...