गुलमोहर मोहरतो तेव्हा

मनमेघ's picture
मनमेघ in जे न देखे रवी...
14 May 2019 - 7:20 pm

गुलमोहर मोहरतो तेव्हा
सखे तुझे हसणे आठवते
उन्हातही मग चंद्र उगवतो
माझे असणे-नसणे नुरते

छोट्या गोष्टींनाही येथे
अस्तित्वाचा प्रश्न बनवतो
खोड जुनी ती नकळत माझ्या
जितेपणीही क्षणिक मोडते.
गुलमोहर मोहरतो तेव्हा...!

दोन समांतर विश्वांमधले
झालो बघ आपण रहिवासी
एक एक केशरी फूल हे
दोघांमध्ये पूल बांधते.
गुलमोहर मोहरतो तेव्हा...!

भेट ठरावी अन् विसरावा
मीच खुणेचा तो गुलमोहर
फक्त उरावा शोध आपला
मनी असेही भलते येते.
गुलमोहर मोहरतो तेव्हा...!

~ मनमेघ

कवितागुलमोहर मोहरतो तेव्हा

प्रतिक्रिया

चांदणे संदीप's picture

14 May 2019 - 10:53 pm | चांदणे संदीप

सुरेख रचना. आवडली.

Sandy

मनमेघ's picture

15 May 2019 - 11:08 am | मनमेघ

धन्यवाद :-)