सशाने धरले सिँहाचे कान
गरगर फिरवून मोडली मान ।
शेळीने घेतला लांडग्याचा चावा
लांडगा ओरडला-धावा धावा ।
मुंगीची ऐकून डरकाळी कानात
हत्ती घाबरून पळाला रानात ।
कासवाने लावली हरणाशी शर्यत
हरीण दमले धापा टाकत ।
उंदराने बोक्याच्या पकडून मिशा
काढायला लावल्या दहा उठाबशा ।
बाळूने मोजले दोन सात चार
स्वप्नात बाळू मोजून बेजार !
'
प्रतिक्रिया
8 Jul 2013 - 11:17 pm | जेनी...
हि हि हि
9 Jul 2013 - 12:47 pm | गंगाधर मुटे
एकदम चांगली विनोदी कविता.
(पण प्राण्यांचा स्वभावविशेषगूण समजले आहे, एवढे वय असणार्‍यांनाच ही कविता कळू शकेल आणि आनंद घेता येईल.)
9 Jul 2013 - 3:30 pm | निनाव
khoopach mast.
10 Jul 2013 - 2:15 am | अभ्या..
हायला काय भारी कविताय.
एकदम मला चित्रे काढायला प्रेरणादायक अशी आहे बघा.